اتلانتيكالىق سيكلوننىڭ اسەرىنەن 16 قاڭتاردا قازاقستاننىڭ باتىسى، وڭتۇستىگى جانە وڭتۇستىك-شىعىسىندا جاڭبىر جاۋىپ، ارتى قارعا ۇلاسادى، ال باسقا وڭىرلەردە تەك قار كۇتىلۋدە. تاۋلى ايماقتاردا قاردىڭ مولشەرى ەرەكشە كوپ بولادى، دەپ حابارلايدى aqshamnews.kz
«قازگيدرومەت» مالىمەتىنشە، ەل بويىنشا جەلدىڭ كۇشەيۋى، بوران، كوكتايعاق جانە كەيبىر ايماقتاردا تۇمان بولۋى مۇمكىن. اۋا تەمپەراتۋراسىنىڭ كۇرت وزگەرۋى بولمايدى.
قالالار بويىنشا اۋا رايى:
- استانا: كۇندىز −8–10 °C، مەزگىل-مەزگىل ازداعان قار، تومەنگى دەڭگەيدەگى بوران. جەلدىڭ جىلدامدىعى 15–18 م/س دەيىن جەتەدى. تۇندە تەمپەراتۋرا −8–10 °C، سونداي-اق قار مەن تومەنگى دەڭگەيدەگى بوران بولادى.
- الماتى: كۇندىز +4+6 °C، تۇندە –2–4 °C، جاۋىن-شاشىنسىز. جەلدىڭ جىلدامدىعى 2–7 م/س.
- شىمكەنت: كۇندىز +6+8 °C، كەشكە جاڭبىر جاۋىپ، ارتى قارعا ۇلاسادى. تۇندە 0…+2 °C، جەلدىڭ جىلدامدىعى 5–10 م/س.