ەلىمىزدە قان الۋ كابينەتتەرىندە دىبىس جازاتىن بەينەكامەرالار ورناتىلماق.
اناليزگە قان الاتىن كابينەتتەردە اۋديوجازبا فۋنكسياسى بار بەينەباقىلاۋ كامەرالارى ورناتىلۋى مۇمكىن. بۇل تۋرالى دەنساۋلىق ساقتاۋ مينيسترلىگىنىڭ اشىق تالقىعا شىعارعان ءتيىستى بۇيىرىعىندا جازىلعان، دەپ حابارلايدى اlmaty-akshamy.kz
اۋديو، بەينە جازاتىن تەحنيكالىق قۇرالدار قان الۋ كابينەتىندە قولدانىلادى. اۋديو، بەينەجازبا پاسيەنتتىڭ نەمەسە ونىڭ زاڭدى وكىلىنىڭ كەلىسىمىمەن عانا جۇزەگە اسىرىلادى.
«اۋديوجازبا فۋنكسياسى بار بەينەباقىلاۋ كامەرالارىن قان الۋ كابينەتتەرىندە ورناتۋ پاسيەنتتەر تاراپىنان شاعىمداردى تالداۋ كەزىندە ماسەلەلەردى شەشۋگە، سونداي-اق پەرسونال جۇمىسىنىڭ ساپاسىن تىركەۋگە مۇمكىندىك بەرەدى»، - دەلىنگەن ۆەدومستۆو جازباسىندا.
قۇجاتتى اشىق تالقىلاۋ 27 قاڭتارعا دەيىن جالعاسادى.