الدىن الا مالىمەتتەر بويىنشا 40 ادام قازا تاپقان.
نەپالدىڭ پوكحارا قالاسىندا ىشكى رەيس ۇشاعى اپاتقا ۇشىراپ، 40 ادام قازا تاپتى، دەپ حابارلايدى اlmaty-akshamy.kz rbc.ru اگەنتتىگىنە سىلتەمە جاساپ.
«Yeti Airlines» كومپانياسىنىڭ جولاۋشىلار ۇشاعىندا 68 جولاۋشى بولعان، ەكەۋى – بالا، تورتەۋى – ەكيپاج مۇشەسى. الدىن الا مالىمەتتەر بويىنشا، جولاۋشىلاردىڭ بارلىعى كوز جۇمعان. وسى ۋاقىتقا دەيىن 40 ءمايىت تابىلعان.
نەپال ازاماتتىق اۆياسيا باسقارماسىنىڭ وكىلى دجاگانناتح نيرۋلا كۇننىڭ اشىق بولعانىن اتاپ ءوتتى. «كەمە سەتي شاتقالىنان اۋەجايمەن تاڭعى ساعات 10:50-دە (گرينۆيچ ۋاقىتى بويىنشا 05:05) بايلانىسقا شىقتى»، - دەلىنگەن اۆياسيالىق مەكەمەنىڭ مالىمدەمەسىندە. سودان كەيىن ول اپاتقا ۇشىرادى.
نەپال استاناسى كاتماندۋدان پوكحارۋ اۋەجايىنا ۇشىپ كەلگەن ۇشاق قونار كەزدە ورتەنگەن. ۇشاق ەكىگە ءبولىنىپ، جارتىسى تاۋ باۋرايىندا، قالعان جارتىسى وزەن شاتقالىنا قۇلاپ كەتكەن. اپاتتىڭ سەبەبى بەلگىسىز.
اۋە كەمەسى قۇلاعان ماڭدا جۇزدەگەن قۇتقارۋشى جۇمىس ىستەپ جاتىر.