ەنەرگەتيكا مينيسترلەرى ءتيىستى كەلىسىمگە قول قويدى.
قازاقستان، قىرعىزستان جانە وزبەكستان قامبار اتا سۋ ەلەكتر ستانسياسىن بىرلەسىپ سالادى، دەپ حابارلايدى Almaty-akshamy.kz
قىرعىزستان اۋماعىندا جەكە اكسيونەرلىك قوعام قۇرىلادى: قاتىسۋ ۇلەسى قىرعىز تاراپى 34%، قازاق تاراپى 33%، وزبەك تاراپى 33% دەڭگەيىندە بولادى.
«ۆەنادا (اۋستريا) قىرعىزستاننىڭ دۇنيەجۇزىلىك بانكپەن جانە اۆستريا ۇكىمەتىمەن بىرلەسىپ ۇيىمداستىرعان حالىقارالىق ەنەرگەتيكالىق ينۆەستيسيالىق فورۋمى باستالدى. فورۋمنىڭ نەگىزگى تاقىرىپتارىنىڭ ءبىرى قامبار اتا گەس-1 قۇرىلىس جوباسى بولدى»، - دەپ جازىلعان ەنەرگەتيكا مينيسترلىگىنىڭ باسپا ءسوز قىزمەتى تاراتقان حابارلامادا.
وسى جوبانى جۇزەگە اسىرۋعا ارنالعان ارنايى سەسسيا اياسىندا قازاقستاننىڭ ەنەرگەتيكا ءمينيسترى الماسادام ساتقالييەۆ، قىرعىز رەسپۋبليكاسىنىڭ ەنەرگەتيكا ءمينيسترى تالايبەك يبرايەۆ جانە وزبەكستان ەنەرگەتيكا ءمينيسترى جۋرابەك ميرزاماحمۋدوۆ قامبار اتا گەس-1 قۇرىلىس جانە پايدالانۋ جوباسىن دايىنداۋ بويىنشا ۆەدومستۆوارالىق كەلىسىمگە قول قويدى.