الەمنىڭ ەڭ باي 50 سپورتشىسىنىڭ جاڭارتىلعان ءتىزىمى جاريالاندى.
ونى اتى اڭىزعا اينالعان امەريكالىق باسكەتبولشى مايكل دجوردان باستاپ تۇر دەپ حابارلادى اlmaty-akshamy.kz Zakon.kz-كە سىلتەمە جاساپ.
Sportico جۋرنالىنىڭ مالىمەتىنشە، «چيكاگو بۋللز» جۋرنالىنىڭ 23-سانىندا دجورداننىڭ 3،3 ميلليارد دوللار قارجى جيناعى بار ەكەنى، وسىلايشا ول باسقا «باي سپورتشىلاردى» ۇلكەن ايىرماشىلىقپەن باسىپ وزعانى ايتىلادى. باسىلىم ساراپشىلارى سپورتشىلاردىڭ مانسابى كەزىندەگى جانە ونى اياقتاعاننان كەيىنگى تابىسىن ەسەپتەدى.
سپورتشىلاردىڭ تابىسىنا جالاقى، بونۋستار، تۋرنيرلەردىڭ جۇلدەسى، جارناما، ونەر كورسەتۋ جانە باسقا دا تولەمدەر كىرەدى. سونىمەن بىرگە دەمەۋشى سەرىكتەستەرمەن ۇلەستىك قاتىسۋدان الىنعان قاراجات كىرەدى.
الەمدەگى ەڭ باي 10 سپورتشىنىڭ ءتىزىمى مىناداي:
- مايكل دجوردان – 3،3 ميلليارد دوللار
- تايگەر ۆۋدس (گولف) 2،5 ميلليارد دوللار
- ارنولد پالمەر (گولف) $1،7 ملرد
- دجەك نيكلاۋس (گولف) – $1،63 ملرد
- كريشتيانۋ رونالدۋ (فۋتبول) – $1،58 ملرد
- لەبرون دجەيمس (باسكەتبول) 1،53 ميلليارد دوللار
- ليونەل مەسسي (فۋتبول) – $1،48 ملرد
- فلويد مەيۆەزەر (بوكس) – 1،41 ميلليارد دوللار
- رودجەر فەدەرەر (تەننيس) $1،38 ملرد
- فيل ميكەلسون (گولف) 1،36 ميلليارد دوللار
وسى ون باي سپورتشىنىڭ جەتەۋى – امەريكا قۇراما شتاتتارىنىڭ وكىلى.