وعان ەلىمىزدەن 250-گە جۋىق اسكەري قىزمەتشى، 40-تان استام بروندالعان جانە اۆتوموبيل تەحنيكاسى، ون بىرلىك اۆياسيالىق تەحنيكا، سونىمەن قاتار ۇشقىشسىز ۇشۋ اپپاراتتارى قاتىسىپ جاتىر.
قازاقستان مەن وزبەكستان قارۋلى كۇشتەرىنىڭ ارنايى ماقساتتاعى بولىمشەلەرى اراسىنداعى «قالقان-2021» بىرلەسكەن تاكتيكالىق-ارنايى وقۋ-جاتتىعۋى بيىلعى جىلدىڭ 5 قاراشاسىندا اياقتالادى، دەپ حابارلايدى Almaty-akshamy.kz ق ر قورعانىس مينيسترلىگىنە سىلتەمە جاساپ.
گۆاردەيسك گارنيزونىندا قازاقستان مەن وزبەكستان رەسپۋبليكالارى قارۋلى كۇشتەرىنىڭ ارنايى ماقساتتاعى بولىمشەلەرى اراسىندا بىرلەسكەن تاكتيكالىق-ارنايى وقۋ-جاتتىعۋ باستالدى.
«قالقان-2021» وقۋ-جاتتىعۋىنا ەلىمىزدەن 250-گە جۋىق اسكەري قىزمەتشى، 40-تان استام بروندالعان جانە اۆتوموبيل تەحنيكاسى، ون بىرلىك اۆياسيالىق تەحنيكا، سونىمەن قاتار ۇشقىشسىز ۇشۋ اپپاراتتارى قاتىسىپ جاتىر.
«وقۋ-جاتتىعۋ بارىسىندا ەكى ەلدىڭ اسكەري قىزمەتشىلەرى قوسىمشا تاكتيكالىق جاساق قۇرامىندا بىرلەسكەن ارنايى وپەراسيانى ۇيىمداستىرۋ جانە ونى وتكىزۋ ماسەلەلەرىن پىسىقتايدى»، - دەلىنگەن ق ر قورعانىس مينيسترلىگىنىڭ حابارلاماسىندا.