بۇگىن ق ر ەكولوگيا جانە تابيعي رەسۋرستار ءمينيسترى ە.نىسانبايەۆ ليتۆا رەسپۋبليكاسىنىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى ە. پ. ەگيديۋس ناۆيكاسپەن كەزدەستى.
كەزدەسۋ بارىسىندا تاراپتار قالدىقتاردى باسقارۋ سالاسىنداعى ىنتىماقتاستىق جانە ساۋدا-ەكونوميكالىق ىنتىماقتاستىق جونىندەگى قازاقستان-ليتۆا ۇكىمەتارالىق كوميسسياسىنىڭ الداعى 14ء-شى وتىرىسىن وتكىزۋ تۋرالى پىكىر الماستى. سونداي-اق، ليتۆا تاراپى سۋسىندار بوتەلكەلەرى ءۇشىن دەپوزيتتەردى قايتارۋدىڭ (Deposite Refund System) ناتيجەلى تەحنولوگياسىن ۇسىندى، دەپ حابارلايدى اlmaty-akshamy.kz.
ە.نىسانبايەۆ ءوز سوزىندە اتاپ وتكەندەي، قازاقستان ەكولوگيا جانە قورشاعان ورتانى قورعاۋ سالاسىندا، اتاپ ايتقاندا قالدىقتاردى باسقارۋ سالاسىندا وزىق تاجىريبەسى بار ليتۆامەن ىنتىماقتاستىقتى دامىتۋعا مۇددەلى.
بۇگىنگى تاڭدا قازاقستاندا قورشاعان ورتانى قورعاۋ سالاسىنداعى وزەكتى باعىتتاردىڭ ءبىرى كوممۋنالدىق قالدىقتاردى باسقارۋ بولىپ تابىلادى. 2030 جىلعا دەيىن قازاقستاندىق تاراپ قايتا وڭدەۋ دەڭگەيىن 40% - عا دەيىن جەتكىزۋدى جوسپارلايدى.
وسىعان بايلانىستى، پاريج كەلىسىمى شەڭبەرىندە، ونىڭ ىشىندە قالدىقتار سەكتورى بويىنشا شىعارىندىلاردى ازايتۋ جونىندەگى قازاقستان مىندەتتەمەلەرىن ەسكەرە وتىرىپ، ءبىز ليتۆانىڭ قالدىقتاردى باسقارۋ جۇيەسىن جولعا قويۋ، اتاپ ايتقاندا دەپوزيتتىك-قايتارۋ جۇيەسىن دامىتۋ جونىندەگى تاجىريبەسىن زەردەلەۋگە مۇددەلىمىز.
مينيستر كوميسسيا وتىرىسى بارىسىندا تاراپدارتىڭ ساراپشىلارى قالدىقتاردى باسقارۋ سالاسىنداعى جوعارىدا اتالعان تاجىريبەنى تالقىلاي الاتىنىن اتاپ ءوتتى.
كەزدەسۋ قورىتىندىسى بويىنشا تاراپتار ليتۆالىق ساراپشىلاردىڭ قازاقستانعا ساپارىن ۇيىمداستىرۋ جانە مۇددەلى تاراپتاردىڭ كەزدەسۋلەرىن وتكىزۋ ارقىلى وسى ماسەلە بويىنشا ءوزارا ءىس-قيمىلدى جالعاستىرۋعا ۋاعدالاستى.