قالامىزدىڭ پاترۋلدىك پوليسەيلەرى ەسىرتكى ساتۋشىنى ۇستادى

ۇستالعان ادامنان 80 دانا پوليەتيلەن بايلامدارى تاركىلەندى.

الماتىنىڭ پاترۋلدىك پوليسەيلەرى ءىرى ەسىرتكى ساتۋشىنى ۇستادى، دەپ حابارلايدى Almaty-akshamy.kz Polisia.kz-كە سىلتەمە جاساپ.

كۇدىكتى ساعات ءۇش جارىمدا الماتى قالاسىنىڭ تۇرعىن الابىندا ۇستالدى. "بۋران-082" پاترۋلدىك ەكيپاجى "اقساي" ىقشاماۋدانىنداعى تۇرعىن ۇيلەردىڭ اۋلاسىندا ەر ادامدى بايقاپ قالدى. ول پوليسيا قىزمەتكەرلەرىن كورە سالا، جاسىرىنباق بولدى.

«پاترۋل قىزمەتكەرلەرى كۇدىكتى ادامدى ۇستادى. ول وزىمەن بىرگە ەسىرتكى بار ەكەندىگىن مويىندادى. اۋەزوۆ اۋداندىق پب-نىڭ تەرگەۋ-جەدەل توبى ۇستالعان ازاماتتى جەكە ءتىنتۋ بارىسىندا ۇنتاقتى زاتى بار 80 دانا پوليەتيلەن بايلامدارىن تاركىلەدى. ۇستالعان ادامنىڭ ءوزى بايلامداردا «جىلدامدىق» سينتەتيكالىق ەسىرتكى زاتى ەكەندىگىن ايتتى. سونداي-اق ول قالانىڭ ءارتۇرلى نۇكتەلەرىنە ءشوپتى تاراتۋشى ەكەنىن ءتۇسىندىردى. قازىرگى ۋاقىتتا تاركىلەنگەن زاتتارعا سوت-حيميالىق ساراپتاما تاعايىندالدى. جەدەل بولىمشەلەر قالاعا ەسىرتكىنىڭ جەتكىزىلۋ ارناسىن جانە تارالۋ گەوگرافياسىن بەلگىلەيتىن بولادى»، – دەدى الماتى قالالىق پد جپقب پاترۋلدىك پوليسيا پولكىنىڭ كومانديرى باۋىرجان حانتەمىروۆ.

پد بۇل دەرەكتىڭ ق ر قك-نىڭ 296-بابى 2-بولىگى بويىنشا سوتقا دەيىنگى تەرگەۋدىڭ ءبىرىڭعاي تىزىلىمىنە تىركەلگەنىن حابارلادى.