«الماتى جىلۋ جۇيەسى» قالا تۇرعىندارىنان قولايسىزدىقتارعا تۇسىنىستىكپەن قاراپ، اينالىپ ءوتۋ جولدارىن الدىن الا قاراستىرۋدى سۇرايدى.
الماتى قالاسىندا جىلۋ جەلىلەرىن جوسپارلى قايتا قۇرىلىمداۋدى جۇرگىزۋگە بايلانىستى بىرنەشە كوشە بويىنشا اۆتوموتوكولىكتىڭ قوزعالىسى شەكتەلەتىن بولادى، دەپ حابارلايدى Almaty-akshamy.kz «الماتى جىلۋ جۇيەسى» جشس-نا سىلتەمە جاساپ.
ەنگىزىلگەن شەكتەۋلەر اتالعان كوشە سەگمەنتتەرىنىڭ ءجۇرىس بولىگىنىڭ استىنان وتەتىن قۇبىرلاردى قايتا قۇرىلىمداۋ بويىنشا جۇمىستاردىڭ قاۋىپسىزدىگىن قامتاماسىز ەتۋ ءۇشىن قاجەت.
تۇرعىندارعا قولايلى جاعدايدى ساقتاۋ ءۇشىن ۇيلەرگە ىستىق سۋ ۋاقىتشا سىزبا بويىنشا بەرىلەتىن بولادى.
ءماجبۇرلى قولايسىزدىقتارعا تۇسىنىستىكپەن قاراپ، اتالعان قالالىق ۋچاسكەلەردى اينالىپ ءوتۋ جولدارىن الدىن الا قاراستىرۋدى سۇرايمىز.