الماتىدا الەمنىڭ ءۇشىنشى پوليۋسىندەگى وسىمدىكتەردىڭ الۋانتۇرلىلىگىن ساقتاۋ جونىندەگى ءىىى حالىقارالىق سيمپوزيۋم باستالدى، دەپ حابارلايدى aqshamnews.kz
ق ر پرەزيدەنتى جانىنداعى ۇلتتىق عىلىم اكادەمياسىنىڭ ۇيىمداستىرۋىمەن ءوتىپ جاتقان ءىىى حالىقارالىق سيمپوزيۋمعا جۇڭگو عىلىم اكادەمياسىنىڭ اكادەميگى حانگ سۋن، وزبەكستان ۇلتتىق عىلىم اكادەمياسىنىڭ اكادەميگى كوميلجون توجيبويەۆ، 14 ەلىنەن جۇزدەن اسا تانىمال عالىمدار قاتىسۋدا.
جەتەكشى عالىمدار 5 كۇن بويى وسىمدىكتەردىڭ گەنەتيكالىق رەسۋرستارىن ساقتاۋ سالاسىنداعى جاھاندىق سىن-قاتەرلەردى تالقىلايدى، جابايى فلورانى زەرتتەۋ مەن ساقتاۋ جونىندە باياندامالار جاسايدى، شەبەرلىك-ساباقتارىن وتكىزەدى.
سيمپوزيۋم اياسىندا ايماقتاعى وسىمدىكتەردىڭ بيوالۋانتۇرلىلىگىن زەرتتەۋ ءۇشىن ورتالىق ازيا جەلىسى قۇرىلادى. جەلى اياسىندا 15 جوبا جۇزەگە اسىرىلادى.