پوليسەيلەر كامەرا قىلمىستىڭ ازايۋىنا سەبەپ بولدى دەپ وتىر.
الماتىدا 128 مىڭ بەينەباقىلاۋ كامەراسى ىسكە قوسىلعان، دەپ حابارلايدى Almaty-akshamy.kz Polisia.kz-كە سىلتەمە جاساپ.
الماتى پوليسياسىنىڭ مالىمەتىنشە، قالادا 128 186 بەينەباقىلاۋ كامەراسى ورناتىلعان. ونىڭ ىشىندە «ءقاۋىپسىز اۋلا» قاعيداتى بويىنشا كوپ قاباتتى ۇيلەردە 4 251 بەينەكامەرا؛ ادام كوپ شوعىرلاناتىن ورىنداردى بەينەباقىلاۋ جۇيەسى جوباسى اياسىندا 1 103 بەينەكامەرا؛ كوشەلەردىڭ جەلىلىك ۋچاسكەلەرىندە، كىرەبەرىس جانە شىعۋ، سونداي-اق، كوشە قيىلىسىندا 5 892 بەينەكامەرا، ونىڭ ىشىندە 5 034 كامەرادان تۇراتىن 776 «سەرگەك» قحا بەكەتى بار. ولاردىڭ كومەگىمەن 2022 جىلدىڭ 6 ايىندا 364 988 جول قوزعالىسى ەرەجەسىن بۇزۋ دەرەگى تىركەلدى. ءبىلىم بەرۋ نىساندارىندا 11 979 بەينەكامەرا، مەكتەپكە دەيىنگى مەكەمەلەردە 6 132؛ دەنساۋلىق ساقتاۋ نىساندارىندا 3 008 كامەرا؛ سپورت نىساندارىندا 1 932 كامەرا؛ قوعامدىق ورىنداردا 1 322 بەينەكامەرا؛ ءارتۇرلى مەنشىك نىسانىنداعى وبەكتىلەردە 98 355 كامەرا؛ قوعامدىق كولىكتە 1 437 بەينەكامەرا جانە ت.ب. جۇمىس ىستەپ تۇر.
سونداي-اق، پد-دە بەينەباقىلاۋ جۇيەلەرىمەن جۇمىس ىستەۋدىڭ وڭ اسەرى بوتەننىڭ مۇلكىن ۇرلاۋ، ونىڭ ىشىندە قالتا ۇرلىعىنىڭ تىركەلۋىنىڭ تومەندەۋىنە دە اسەر ەتكەنىن اتاپ ءوتتى.