جاقىن ارادا اۋدان اكىمدەرىنىڭ دە تىكەلەي سايلاۋىن وتكىزۋ جوسپارلانىپ وتىر.
الداعى كۇندەرى قازاقستانداعى 27 اۋىلدىق وكرۋگتە اۋىل اكىمدەرىنىڭ سايلاۋى وتەدى. بۇل تۋرالى قازاقستاننىڭ مەملەكەتتىك كەڭەسشىسى ەرلان قارين ايتتى، دەپ حابارلايدى Almaty-akshamy.kz.
«وسى جەكسەنبى كۇنى، 31 شىلدەدە، 27 اۋىلدىق وكرۋگتە اۋىل اكىمدەرىنىڭ سايلاۋى وتەدى. ال جىل اياعىنا دەيىن 214 اۋىلدىڭ باسشىسى تىكەلەي سايلاۋ ارقىلى قىزمەتىنە كىرىسۋى كەرەك. 2023 جانە 2024 جىلدارعا 1037 اۋىلدىق وكرۋگتە اكىمى سايلاۋى جوسپارلانعان. جاقىن ارادا اۋدان اكىمدەرىنىڭ دە تىكەلەي سايلاۋىن وتكىزۋ جوسپارلانىپ وتىر. ونىمەن قوسا، جاڭا كونستيتۋسيالىق رەفورما بويىنشا وبلىس اكىمدەرى وڭىرلىك ءماسليحات دەپۋتاتتارىنىڭ داۋىس بەرۋ قورىتىندىسى بويىنشا تاعايىندالادى. وسىلايشا، ەلدىڭ ساياسي جۇيەسى بىرتىندەپ ترانسفورماسيالانىپ كەلەدى. مەملەكەتتىك باسقارۋ سالاسىنا دەموكراتيانىڭ جاڭا قۇرالدارى ەنگزىلىپ جاتىر»، - دەپ جازدى مەملەكەتتىك كەڭەسشى Telegram كانالىندا.
ەرلان كاريننىڭ ايتۋىنشا، ءبىر جىل بۇرىن قازاقستاندا اۋىل اكىمدەرىن تىكەلەي سايلاۋ مەحانيزمى ىسكە قوسىلعان بولاتىن. بىلتىرعى شىلدە ايىنان بەرى 1093 ەلدى مەكەننىڭ اكىمى سايلاندى. ونىڭ 215ء-ى ءوز-وزىن ۇسىنسا، 116-سى قايتا سايلانعان بۇرىنعى اكىمدەر. ءبىر جىلدىڭ ىشىندە ەلدەگى اۋىل اكىمدەرىنىڭ كورپۋسى 55،6% جاڭارعان.
«بۇل 608 اۋىلعا جاڭا باسشى كەلدى دەگەن ءسوز. ونىڭ باسىم بولىگى بۇرىن مەملەكەتتىك قىزمەتتە ىستەپ كورمەگەن. ياعني، دارىگەرلەر، مۇعالىمدەر، بيزنەسمەندەر، جەرگىلىكتى كاسىپورىن مەن شارۋا قوجالىق باسشىلارى حالىق سەنىمىنە يە بولىپ، اكىم رەتىندە سايلانىپ وتىر. بارىنەن دە ماڭعىستاۋ وبلىسىندا جاڭا اكىمدەر كوپ سايلاندى – 77،8%. (سايلانعان 18 اكىمنىڭ 14ء-ى)، ودان كەيىن قاراعاندى وبلىسىندا – 77،2% (79-دىڭ 61ء-ى) جانە جامبىل وبلىسىندا – 71% (72ء-نىڭ 51ء-ى) جاڭا اكىمدەر كوپ سايلانعان»، - دەيدى ەرلان قارين.
ەسكە سالساق، مەملەكەت باسشىسى قاسىم-جومارت توقايەۆ قازاقستان حالقىنا جولداۋىندا سايلاۋدى كەرەك قىلمايتىن ادامداردىڭ قاتارى كوبەيگەنىن ايتقان ەدى.