قالامگەرگە قۇرمەت كورسەتىلدى

الماتىدا بەلگىلى جازۋشى س. سماتايەۆتىڭ مەرەيتويىنا وراي شىعارماشىلىق كەش ءوتتى

الماتى اكىمى ب. ساعىنتايەۆ قازاق ادەبيەتىنىڭ كلاسسيگى، جازۋشى سوفى سماتايەۆتىڭ 80 جىلدىق مەرەيتويىنا ارنالعان سالتاناتتى شاراعا قاتىستى.

كەش «Meن جەڭەمىن!» تەاترلاندىرىلعان قويىلىمىمەن اشىلدى. قويىلىمعا س. سماتايەۆتىڭ ءوزى جانە م. اۋەزوۆ اتىنداعى قازاق ۇلتتىق اكادەميالىق دراما تەاترىنىڭ ارتىستەرى قاتىستى. شىعارماشىلىق كەش وسى تەاتر ساحناسىندا ءوتتى.

الماتى اكىمى باقىتجان ساعىنتايەۆ تۇڭعىش پرەزيدەنت - ەلباسى نۇرسۇلتان نازاربايەۆ پەن مەملەكەت باسشىسى قاسىم-جومارت توقايەۆتىڭ س.ساتايەۆقا ارنالعان جىلى قۇتتىقتاۋ سوزدەرىن وقىدى. وندا مەرەيتوي يەسىنىڭ قازاق ادەبيەتىن دامىتۋعا قوسقان ۇلەسى اتاپ وتىلگەن.

ب. ساعىنتايەۆ ءوز قۇتتىقتاۋىندا س. سماتايەۆتىڭ قازاق ادەبيەتى كلاسسيكتەرى مەن سىنشىلارىنىڭ شىعارمالارىن زەرتتەۋ سالاسىنداعى ەڭبەكتەرىن دە ەرەكشە اتاپ ءوتتى. سوفى سماتايەۆ - جازۋشىلىق ونەرگە بەرىلگەن قالامگەرلەردىڭ ءبىرى.

الماتىنىڭ اكىمى ب. ساعىنتايەۆ اكىمدىك قولداۋ كورسەتۋدى جالعاستىراتىنىن اتاپ  ءوتتى. قالا اكىمى مەرەيتوي يەسى مەن ونىڭ جاقىندارىنا مىقتى دەنساۋلىق، شىعارماشىلىق تابىس جانە باق-بەرەكە تىلەدى. قالانىڭ دامۋىنا قوسقان ۇلەسى ءۇشىن س. سماتايەۆ الماتى قالاسى اكىمدىگىنىڭ «ەڭبەگى ءۇشىن» توسبەلگىسىمەن ماراپاتتالدى.

الماتى اكىمدىگى ۇيىمداستىرعان  شىعارماشىلىق كەش س. سماتايەۆ تالانتى مەن شىعارماشىلىعىن ۇلىقتاۋ بولىپ تابىلادى.

قازاقستان جازۋشىلار وداعىنىڭ ءتوراعاسى ۇلىقبەك ەسداۋلەت ايتقانداي، الماتى قالاسى اكىمدىگىنىڭ قولداۋىمەن ءسوز شەبەرلەرىنىڭ 30 ءتۇرلى كىتابى جارىق كوردى، ولاردىڭ جالپى تارالىمى 65 مىڭ دانا. ونىڭ ىشىندە مەرەيتوي  يەسى س.سماتايەۆتىڭ 25 تومدىق شىعارمالار جيناعى جارىق كوردى. كىتاپتار قالا كىتاپحانالارىن تولتىردى.