كەمەل توقايەۆتىڭ شىعارماشىلىعىنا ارنالعان رەسپۋبليكالىق بايقاۋدىڭ جەڭىمپازدارى ماراپاتتالدى
بيىل كورنەكتى جازۋشى، ۇلت قايراتكەرى كەمەل توقايەۆقا – 100 جىل. قالامگەردىڭ عاسىرلىق مەرەيتويىنا وراي جەتىسۋ وبلىسىندا ۇلتتىق ويىن تۇرلەرىنەن حالىقارالىق جارىس ۇيىمداستىرىلدى.
سالتاناتتى جيىندا ءوڭىر باسشىسى بەيبىت يسابايەۆ پرەزيدەنت قاسىم-جومارت توقايەۆتىڭ قۇتتىقتاۋ حاتىن وقىپ بەردى.
سونداي-اق كەمەل توقايەۆتىڭ شىعارماشىلىعىنا ارنالعان رەسپۋبليكالىق بايقاۋدىڭ جەڭىمپازدارى ماراپاتتالدى.
«كەمەل قالامگەر» اتتى رۋحاني سايىسقا ەلىمىزدىڭ ءار ايماعىنان 300-دەن استام وقۋشى مەن ۇستاز قاتىسقان. ولار ەسسە، رومان، پروزا جانرلارى بويىنشا تىرناقالدى تۋىندىلارىن ۇسىندى.
"كەمەل توقايەۆ اتىنداعى قايىرىمدىلىق قورى وسى كونكۋرستى جىل سايىن وتكىزبەك. ياعني ءبىزدىڭ كىشكەنە تۇرالاپ قالعان دەتەكتيۆ جانرىمىز ەندى وركەندەي باستايدى دەپ ەسەپتەيمىن. جاقسى تالانتتى دۇنيەلەر كەلەدى. جاس جازۋشىلار بولادى"، - دەدى قازاقستان جازۋشىلار وداعىنىڭ باسقارما ءتوراعاسى مەرەكە قۇلكەنوۆ.
مەرەي توي اياسىندا قازاق كۇرەسىنەن الەم كۋبوگى ساراپقا سالىندى. حالىقارالىق دودادا 22 مەملەكەتتەن 200-دەن استام بالۋان بەلدەستى. سونداي-اق سپورتشىلار توعىزقۇمالاق، اسىق اتۋ، ساداق اتۋ جانە قوشقار كوتەرۋدەن دە ب ا ق سىناستى. ال شابوندوزدار قۇنان، توپ بايگە جانە الاماندا سايگۇلىكتەرىنىڭ بابىن بايقاپ كوردى. جارىسقا 230-عا جۋىق تۇلپار قاتىستى.