قالالىق تجد قۇلاقتاندىرۋ جۇيەسىنىڭ دايىندىعىن تەكسەرەدى

وسىعان بايلانىستى دەپارتامەنت قالا تۇرعىندارى مەن قوناقتارىن سابىر ساقتاۋعا شاقىرادى

الماتى قالاسىنىڭ توتەنشە جاعدايلار دەپارتامەنتى 2021 جىلعى 17 ماۋسىمدا جەرگىلىكتى ۋاقىتپەن كۇندىزگى 12 ساعات 55 مينۋتتا توقسان سايىن جۇرگىزىلەتىن جوسپارلى تەحنيكالىق دايىندىعىن تەكسەرەدى، دەپ حابارلايدى Almaty-akshamy.kz  قالالىق تجد سايتىنا سىلتەمە جاساپ.

وقۋ-جاتتىعۋ ەلەكتر دابىلدارىن قوسۋ ارقىلى «بارشانىڭ نازارىنا!» ءبىرىڭعاي قۇلاقتاندىرۋ سيگنالىن بەرىپ، تەلە جانە راديو تاراتۋ ارنالارىن اۆتوماتتى تۇردە قامتۋمەن ءبىر ۋاقىتتا حالىققا قۇلاقتاندىرۋ جۇيەسىنىڭ تەحنيكالىق دايىندىعىن تەكسەرۋ جۇرگىزىلىپ جاتقاندىعى تۋرالى حابار بەرۋ قاراستىرىلعان.

وسىعان بايلانىستى دەپارتامەنت قالا تۇرعىندارى مەن قوناقتارىن سابىر ساقتاۋعا شاقىرادى. الماتى قالاسىنىڭ تجد توتەنشە جاعدايلار تۋىنداعان جاعدايدا ەلەكتر سيرەنانى قوسۋ كەزىندەگى كەلەسى ەرەجەلەردى ەسكە سالادى. ەگەر دابىل دىبىسى ۇيدە ەستىلسە:

- راديو تاراتۋ جانە تەلەديدار قابىلداعىشتارىن قوسىڭىز؛

- شۇعىل حابارلامانى تىڭداڭىز؛

- بەرىلگەن حابارلاماعا سايكەس ارەكەت ەتىڭىز.

ەگەر دابىل دىبىسى كوشەدە ەستىلسە:

- كوشەدەگى داۋىس زورايتقىشتار مەن جىلجىمالى حابارلاۋ قۇرالدارى ارقىلى بەرىلەتىن شۇعىل حابارلامانى تىڭداڭىز؛

- بەرىلگەن حابارلاماعا سايكەس ارەكەت ەتىڭىز.