ءيا، كۇشىمىزدىڭ بىرلىكتە ەكەندىگىن قاڭتاردىڭ قاھارلى كۇندەرى تاعى ءبىر دالەلدەپ بەردى. قاراپايىم حالىقتىڭ مۇڭ-مۇقتاجىمىزدى ايتساق دەگەن جاقسى ۇمىتتەگى بەيبىت جيىنىن پايدالانعان نيەتى جامان، پيعىلى تەرىس سودىرلار مەن لاڭكەستەردىڭ جاۋىزدىققا مالىنعان ءوق-دارىسى مەن كەزەنگەن سۋىق قارۋى جايباراقات جاتقان جۇرتتىڭ زارەسىن ۇشىردى. اينالاسى ەكى كۇندە شۇعىل شەشىمدەر مەن كۇشتىك قۇرىلىمداردىڭ ارقاسىندا ەلدە تىنىشتىق قايتا ورناپ، تىرشىلىگىمىزدى جانداندىرا باستادىق. مىنە، وسى قيىن ساتتە انتىنا ادال ءبىزدىڭ دارىگەرلەرىمىز حالىقتىڭ جانىنان تابىلا ءبىلدى. ومىرلەرىن قاتەرگە تىگە وتىرىپ، ءوز مىندەتتەرىن ادال اتقاردى. سولاردىڭ قاتارىندا قالالىق قان ورتالىعىنىڭ دا قىزمەتكەرلەرى بار.
ولار كۇن-تۇن دەمەي، جارالانعان جانداردى قاجەتتى قان جانە ونىڭ كومپونەنتتەرىمەن قامتاماسىز ەتە ءبىلدى. مەن وسى رەتتە قالا تۇرعىندارىنىڭ تىرشىلىگى ءۇشىن اسا قاجەتتى جىلۋ، سۋ، وتىن كوزدەرىن امان ساقتاپ، ءتيىستى ازىق-تۇلىكپەن قامتاماسىز ەتۋ ءىسىن جەدەل ۇيىمداستىرا بىلگەن قالا اكىمى باقىتجان ساعىنتايەۆقا جانە اكىمشىلىكتىڭ قىزمەتكەرلەرىنە، دونورلاردى ۇيىمداستىرۋ ىسىندە ءوزىنىڭ بەلسەندىلىگى مەن ىسكەرلىگىن تانىتا بىلگەن الماتى قالالىق قوعامدىق دەنساۋلىق ساقتاۋ باسقارماسى باسشىسىنا، وسى باسقارمانىڭ باسشىسىنىڭ ورىنباسارى لاۋرا مىرزاعاليقىزىنا ەرەكشە العىس ايتامىن.
سونداي-اق قان تاپسىرۋ ارقىلى كومەك قولىن سوزعان قالامىزداعى بارلىق پەرزەنتحانالاردىڭ قىزمەتكەرلەرىنە، الماتى قالالىق ءماسليحاتىنىڭ دەپۋتاتتارىنا العىس بىلدىرگىم كەلەدى. ستانيسلاۆ كونكۋروۆ باستاعان قالالىق ءماسليحات دەپۋتاتتارى 7 قاڭتار كۇنى كەلىپ قان تاپسىردى. سونىمەن قاتار ءوز ەرىكتەرىمەن كەلىپ قان تاپسىرۋعا نيەت بىلدىرگەن قالا تۇرعىندارىنا دا زور العىسىمدى ايتامىن. جامان كۇندەرىمىز ارتتا قالسىن!
ەندىگى كەزەكتە ءبىز ءبىر كىسىدەي جۇمىلىپ، پرەزيدەنتىمىزدىڭ قازاقستاننىڭ جاڭا دامۋ كەزەڭىندەگى ۇستانىپ وتىرعان ساياساتى مەن حالىقتىڭ الەۋمەتتىك احۋالىن جاقسارتۋ جولىنداعى يگى باستامالارىن ءبىر كىسىدەي قولداپ، اركىم ءوز سالاسى بويىنشا ۇلەس قوسا بىلەيىك! ءبىزدىڭ كۇشىمىز بىرلىكتە ەكەندىگى ءبىزدىڭ باستى قاعيدامىز بولسىن!
ءبىز الماتى قالالىق قان ورتالىعىنىڭ قىزمەتكەرلەرى لاڭكەستەر مەن سويقاندى سودىرلاردان حالقىن قورعاۋ كەزىندە كوز جۇمعان ازاماتتارىمىزدىڭ وتباسى مەن جاقىن تۋىستارىنا قايعىرىپ، كوڭىل ايتامىز. سىزدەر ناعىز وتانسۇيگىش ۇل تاربيەلەگەندەرىڭىزدى ماقتان ەتىڭىزدەر. ولاردىڭ ەرلىگى ەشقاشان ۇمىتىلمايدى. جەر انامىزدىڭ باۋىرى ءبۇتىن، ەل-جۇرتىمىز امان بولسىن! ءبىزدىڭ كۇشىمىز بىرلىكتە اعايىن، سول بىرلىگىىمىز سەتىنەمەسىن.