اتىراۋ قالاسىنىڭ تۇرعىنى ءادىل جۇبانوۆ ورتالىق قالالىق كلينيكالىق اۋرۋحاناسىنا "جەدەل جاردەم" كولىگىن سىيلادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«بيىلعى جىل جانتۇرشىگەرلىك وقيعادان باستالدى. حالقىمىز ءۇشىن وسىنداي ءبىر قيىن-قىستاۋ كەزەڭىندە، سونداي-اق، پرەزيدەنتىمىزدى جانە ونىڭ «كۇشىمىز - بىرلىكتە» دەگەن ۇرانىمەن باستالعان ۇندەۋىن قولداي وتىرىپ، كومەك كورسەتۋدى ءجون كوردىم. قاڭتارداعى قايعىلى وقيعانىڭ ءبىزدىڭ مەملەكەتىمىزگە قانشالىقتى شىعىن اكەلگەنى بارىمىزگە ءمالىم. ورتەنگەن ءىىم اۆتوكولىكتەرى، اسكەري ماشينالار جانە جەدەل جاردەم كولىكتەرى. بۇگىنگى كۇنى بۇكىل حالىق بىرلەسىپ قولىنان كەلگەنشە ءوز كومەگىن كورسەتۋدە. مەن جانە مەنىڭ وتباسىم حالقىمىزعا شۇعىل كومەك كورسەتۋ ماقساتىمەن "جەدەل جاردەم" كولىگىن سىيلايىق دەپ شەشتىك»، - دەدى ءادىل جۇبانوۆ.
ورتالىق قالالىق كلينيكالىق اۋرۋحاناسىنىڭ ديرەكتورى ۇلىقبەك مەدەۋبەكوۆتىڭ ايتۋىنشا، "جەدەل جاردەم" كولىگى گەمودياليزدەن امبۋلاتورلىق تۇردە ەمدەلىپ جاتقان پاسيەنتتەردى تاسىمالداۋ ءۇشىن قولدانىلادى.
«مۇنداي كومەك مەديسينالىق كومەك كورسەتۋدى جاقسارتا ءتۇسۋى ابزال جانە دە بۇل بىزگە وتە ماڭىزدى» - دەيدى ورتالىق قالالىق كلينيكالىق اۋرۋحاناسىنىڭ ديرەكتورى.
