مۇنداي شەشىمدى ادەپ جونىندەگى كەڭەس شىعارعان.
مەملەكەتتىك قىزمەت ىستەرى دەپارتامەنتىندەگى ادەپ جونىندەگى كەڭەس الماتى قالالىق قوعامدىق دەنساۋلىق ساقتاۋ باسقارماسى باسشىسىنىڭ ورىنباسارى لاۋرا ءمىرزاعاليدى قىزمەتىنەن بوساتۋ تۋرالى شەشىم قابىلدادى، دەپ حابارلايدى Almaty-akshamy.kz
«مەملەكەتتىك قىزمەت ىستەرى دەپارتامەنتىندەگى ادەپ جونىندەگى كەڭەس مۇشەلەرى جوعارى لاۋازىمدى تۇلعانى قىزمەتىنەن بوساتۋ تۋرالى شەشىم قابىلداپ، باسقارماعا ۇسىنىس جاسادى. دەنساۋلىق ساقتاۋ باسقارماسىنىڭ باسشىسى شەشىمدى 10 جۇمىس كۇنى ىشىندە (20 مامىرعا دەيىن) قابىلداۋى كەرەك»، - دەپ مالىمدەدى الماتى اكىمىنىڭ باسپا ءسوز قىزمەتى.
بۇعان دەيىن الەۋمەتتىك جەلىلەردە الماتى قالالىق قوعامدىق دەنساۋلىق ساقتاۋ باسقارماسى باسشىسىنىڭ ورىنباسارى قىزمەتكەرمەن سىياقى تۋرالى ءسوز تالاستىرعان ۆيدەو پايدا بولعان ەدى. كەيىن مەملەكەتتىك قىزمەت ىستەرى اگەنتتىگىنىڭ الماتى قالاسى بويىنشا دەپارتامەنتى دارىگەر لاۋرا مىرزاعاليعا قاتىستى تەكسەرۋ باستالعانىن ءمالىم ەتتى.