الماتىدا كوممۋنالدىق قىزمەتتەردىڭ 1 800-دەن استام قىزمەتكەرى مەن جۇزدەگەن تەحنيكا بىرلىگى 7-8 قاڭتار ارالىعىندا قالانى قالىڭدىعى 16 سانتيمەترگە جەتكەن قاردىڭ سالدارىمەن كۇرەسۋدە. بارلىق قىزمەتتەر قالانىڭ قالىپتى رەجيمدە جۇمىس ىستەۋىن قامتاماسىز ەتۋدە، دەپ حابارلايدى aqshamnews.kz
قار تازالاۋ جۇمىستارى قالا كوشەلەرىندە دە، تۇرعىن اۋدانداردا دا تاۋلىك بويى جۇرگىزىلىپ جاتىر.
«جول توسەمى كوكتايعاققا قارسى قۇرالدارمەن وڭدەلدى، سونداي-اق قوعامدىق كولىك ايالدامالارى تازارتىلدى. وسىدان كەيىن ءبىز قاردى سىپىرامىز جانە تىرمالايمىز. ەكى ءتۇننىڭ ىشىندە قالا بويىنشا 15 200 تەكشە مەترگە جۋىق قار سىرتقا شىعارىلدى»، - دەدى «الماتى تازالىق» مكك باس ينجەنەرى اسەت تولەگەنوۆ.
ول تازالاۋ پروسەسى اۋا-رايىنىڭ كولىك قوزعالىسىنا اسەرىن ازايتۋ ءۇشىن ارنايى ۇيىمداستىرىلعانىن اتاپ ءوتتى.
«ءبىزدىڭ بريگادالار ۇيلەسىمدى جۇمىس ىستەيدى، ال زاماناۋي تەحنيكا پروسەستى جىلدامداتۋعا جانە تازالاۋدىڭ جوعارى ساپاسىنا قول جەتكىزۋگە مۇمكىندىك بەرەدى»، – دەپ قوستى ول.
مەدەۋ اۋدانىنىڭ جول جۇمىسشىلارىنىڭ اعا بريگاديرى دينا مۇناربايەۆا وسى سالادا سەگىز جىلدان استام ۋاقىتتان بەرى ەڭبەك ەتىپ كەلەدى. قيىن جاعدايلارعا قاراماستان، ونىڭ كومانداسى جەدەل ارەكەت ەتۋگە تىرىسادى.
«قالا كوشەلەرىن ءقاۋىپسىز ۇستاۋ ءۇشىن قاردى تەز تازالايمىز. ايازعا جانە تۇنگى اۋىسىمدارعا قاراماستان، ءبىزدىڭ بريگادادا جاڭا جىلدىق كوڭىل-كۇي بار. بۇل كوماندالىق رۋحتى ساقتاۋعا جانە تاپسىرمالاردى ءتيىمدى ورىنداۋعا كومەكتەسەدى»، - دەدى ول.
دينا مۇناربايەۆا ارىپتەستەرى اراسىندا سارقىلماس شابىت كوزى رەتىندە تانىمال. ول ءان ايتقاندى جاقسى كورەدى جانە ونىڭ رەپەرتۋارىندا قاراپايىم ءارى سۇيىكتى اندەر بار. ونىڭ ءان ايتۋىنىڭ ارقاسىندا جۇمىس اتموسفەراسى ايازدى كۇندەردە دە جىلى جانە جاعىمدى بولىپ، مونوتوندى جۇمىس ۇجىمدى بىرىكتىرەتىن بىرلەسكەن ىس-ارەكەتكە اينالادى.
«قار مەن اياز – بۇل جاي عانا تابيعات، ال ءبىزدىڭ ءوپتيميزمىمىز كەز كەلگەن قولايسىز اۋا رايىنان كۇشتى»، - دەپ ازىلدەيدى دينا مۇناربايەۆا. ول ءارقاشان ارىپتەستەرىنە ازىلدەر مەن جىلى سوزدەر ايتىپ، سۋىق اۋىسىمداردى جەڭۋگە كومەكتەسەدى. سونىمەن قاتار، ونىڭ ۇيىمداستىرۋشىلىق شەبەرلىگى ەڭ قيىن جاعدايلاردىڭ شەشىمدەرىن تەز تابۋعا مۇمكىندىك بەرەدى: جابدىقتىڭ بۇزىلۋى نەمەسە كۇتپەگەن قاردىڭ ءتۇسۋى سياقتى ماسەلەلەر – ءبارى دە ونىڭ كومانداسى ءۇشىن جاڭا مىندەتتەر بولىپ تابىلادى.
«ءبىز العىس ءۇشىن ەمەس، قالا تۇرعىندارى ءوز ومىرلەرىن ەش وزگەرىسسىز جالعاستىرا الۋى ءۇشىن جۇمىس ىستەپ جاتىرمىز»، - دەپ قوستى ول. وسى كەزدە ونىڭ كومانداسى الماتى كوشەلەرىن تازالاي ءجۇرىپ، تاعى ءبىر اۋەندى شىرقاي باستادى.
قالالىق قىزمەتتەر قار تازالاۋ جۇمىستارىنىڭ ءۇزىلىسسىز جالعاساتىنىنا سەندىردى. الداعى كۇندەرى شاعىن كوشەلەر مەن كۆارتالارالىق جولداردى تازالاۋ جوسپارلانۋدا. دينا مۇناربايەۆا سياقتى مامانداردىڭ ارقاسىندا الماتى ەڭ قاتال اۋا-رايىندا دا تازا جانە ءقاۋىپسىز بولىپ قالا بەرەدى.