الماتىدا قار تازالاۋ ءۇشىن 47 پاترۋلدىك بريگادا جۇمىلدىرىلدى
ساعات 14:00-دەن باستاپ الماتى قالاسىندا ءسىلبى قار جاۋا باستادى. ديسلوكاسيا ورىندارىندا 118 قۇم تاراتقىش كەزەكشىلىك ەتۋدە. 130 بىرلىك شاعىن كولەمدى ارنايى تەحنيكانىڭ كۇشىمەن تروتۋارلار قاردان تازارتىلۋدا.
كوكتايعاقتىڭ الدىن الۋ ماقساتىندا 47 پاترۋلدىك بريگادا، 386 بىرلىك ارنايى تەحنيكا جانە 1120 جول جۇمىسشىسى جۇمىلدىرىلدى. قاردان تازارتىلاتىن كوشە-جول جەلىسىنىڭ جالپى الاڭى 25 ملن. م2، سونداي-اق 3 339 اۋلا اۋماعى بار.
تازالاۋ كەستەسى تاۋلىك بويى: ساعات 08.00-دەن 17.00-گە دەيىن كۇندىزگى اۋىسىم، 20.00-دەن 05.00-گە دەيىن تۇنگى اۋىسىم.
قىسقى كەزەڭدە قاردى جيناۋدى «الماتى تازالىق» كوممۋنالدىق مەملەكەتتىك كاسىپورنى، سونداي-اق 9 جەكە كومپانيا جۇزەگە اسىرادى. قاردان تازارتۋ جۇمىستارى جولداردا، جاياۋ جۇرگىنشىلەر ايماقتارىندا، ورتاق كەڭىستىكتەردە، جەر ءۇستى وتكەلدەرى مەن تروتۋارلاردا، ۆەلوسيپەد جولدارىندا،قوعامدىق كولىك ايالدامالارىندا جۇرگىزىلۋدە. بيىلعى قىسقى كەزەڭنىڭ باسىنان بەرى 36 مىڭ م3 قار شىعارىلدى.