ءماجىلىستىڭ جالپى وتىرىسىندا گودۋنوۆا ەۋروپالىق قايتا قۇرۋ جانە دامۋ بانكى مەن يسلام دامۋ بانكىنىڭ قازسۋشار ءۇشىن الىنعان قارىزدارى شەڭبەرىندە 2017 جىلدان باستاپ 317 ملن دوللار سوماسىنا 61 جوبا قارجىلاندىرىلعانىن مالىمدەدى، دەپ حابارلايدى اlmaty-akshamy.kz.
«اۋديت جۇرگىزۋ كەزىندە 5 جىل ىشىندە تەك 18 جوبا (29%) تاپسىرىلدى، 37ء-ى ىسكە اسىرۋ ساتىسىندا (61%). 6 جوبا (10%) بويىنشا جۇمىس ءتىپتى باستالماعانى انىقتالدى. سەبەپتەرى بىردەي – ساپاسىز ديزاين، جاۋاپسىز مەردىگەرلەر. جوبالاردى ىسكە اسىرۋ مەرزىمىن كەشىكتىرۋ سالدارىنان قازسۋشار شوتىندا 6،5 ملرد تەڭگە يگەرىلمەي، جيناقتالىپ قالدى. بيۋدجەت ولاردى رەزەرۆتەۋ ءۇشىن قوسىمشا 1،7 ميلليارد تەڭگە تولەدى»، – دەيدى گودۋنوۆا.
ول سونداي-اق، شەنەۋنىكتەر ەل بيۋدجەتىنە جوبالار بويىنشا ءالسىز جۇمىستارىمەن عانا ەمەس، باعام ايىرماشىلىعىنا بايلانىستى شىعىنداي ءقاۋىپ توندىرەتىنىن اتاپ ءوتتى. ويتكەنى قارىز دوللارمەن الىنادى. اۋديتورلىق پالاتا باسشىسى ەقدب-نىڭ 3 ملرد تەڭگەدەن استام سوماعا 8 قارىز جوباسى شەڭبەرىندە ساتىپ الىنعان جابدىقتار مەن سالىنعان ينفراقۇرىلىم كوزدەلگەن ماقساتقا جاراماعانىن ايتادى.
«اقىرى، جوسپارلانعان 4 مىڭ گەكتارعا جۋىق سۋارمالى جەر اۋىل شارۋاشىلىعى اينالىمىنا ەنگىزىلمەگەن. ەقدب قارىزىن ماقساتسىز پايدالانۋدىڭ تاعى ءبىر مىسالى – اقتوبە سۋ قويماسىنان سازدى ارناسىنا سۋ قۇبىرىن سالۋ ارقىلى اقتوبەدەگى جاسىل ايماق ينفراقۇرىلىمىنىڭ وبەكتىلەرىن دامىتۋ جوباسى. ونى ىسكە اسىرۋعا 1،5 ميلليارد تەڭگە قاجەت بولعان. بۇل قارىز سۋارۋ ينفراقۇرىلىمىن قالپىنا كەلتىرۋگە جوسپارلانعان، ال ءىس جۇزىندە اقتوبە ساياباق ايماعىن اباتتاندىرۋعا كەتتى»، – دەيدى ول.
گودۋنوۆا شەنەۋنىكتەر ساياباق سالۋ ءۇشىن ۆاليۋتالىق قارىز الماۋى كەرەك دەپ ەسكەرتتى. اۋديتورلىق ءىس-شارالار ناتيجەسى بويىنشا ۇكىمەتكە جانە ۋاكىلەتتى مەملەكەتتىك ورگاندارعا سۋ سالاسىن باسقارۋدىڭ تيىمدىلىگىن ارتتىرۋعا باعىتتالعان بارلىعى 91 تاپسىرما مەن ۇسىنىم بەرىلگەن. ونىڭ 41 ورىندالىپ، 50ء-ى اياقتالماعان. 2256 يەسىز وزدىگىنەن توگىلەتىن گيدروگەولوگيالىق ۇڭعىما پروبلەما بولىپ قالىپ وتىر.