الماتى قار كۇرەۋ مەن شىعارۋ جۇمىستارى جالعاسىپ جاتىر. كۇندىزگى ۋاقىتتا 423 بىرلىك ارنايى تەحنيكا مەن 1008 جۇمىسشى جۇمىلدىرىلعان.
قار جاۋعان ساتتەن باستاپ 2270 توننا كوكتايعاققا قارسى ماتەريال سەبىلدى، دەپ حابارلايدى almaty-akshamy.kz كوممۋنالدىق ينفراقۇرىلىمدى دامىتۋ باسقارماسىنا سىلتەمە جاساپ.
تروتۋارلاردى، جالپى پايدالانۋ ورىندارىن قولمەن كۇرەۋ جۇمىستارى كۇشەيتىلەدى. قوعامدىق كولىك ايالدامالارى مەن جەر ءۇستى وتكەلدەرى دە قولمەن تازارتىلىپ جاتىر. 22 قار تيەگىش پەن 72 جۇك كولىگىمەن قار شىعارۋ جۇمىستارى جۇرۋدە. ساعات 15:00-تەگى جاعداي بويىنشا 28 240 م3 قار شىعارىلدى، بۇل 2820 رەيسكە تەڭ.
اۋدانداردىڭ اكىمدىكتەرىندە جۇمىستى باقىلاۋ ءۇشىن 24 ساعاتتىق كەزەكشىلىك ۇيىمداستىردى.
“قازگيدرومەت” رمك بولجامى: 20 قاڭتار: كۇندىز ساعات 19:00-گە دەيىن قالىڭدىعى 0،5 مم-لىك ازداعان قار. اۋا تەمپەراتۋراسى كۇندىز -4...-6 گرادۋس اياز.
21 قاڭتار: ءتۇن جارىمدا قالىڭدىعى 1 مم بولاتىن ازداپ قار جاۋادى، كۇندىز دە وسى قالىڭدىقتاي قار تۇسەدى. تۇندە اۋا تەمپەراتۋراسى -10...-12، كۇندىز -6...-8 گرادۋس اياز.