تاس جولداردىڭ جابىلۋىنا بايلانىستى قالاارالىق پويىزدارىمەن 500 استام ادام تاسىمالداندى، دەپ حابارلايدى almaty-akshamy.kz «جولاۋشىلار تاسىمالى» اق باسپا ءسوز قىزمەتىنە سىلتەمە جاساپ.
قىس مەزگىلىندەگى قولايسىز مەتەورولوگيالىق جاعدايلارعا بايلانىستى بيىل 13-14 قاڭتار ارالىعىندا «جولاۋشىلار تاسىمالى» اق 500 استام جولاۋشىنى ەۆاكۋاسيالادى. بۇل كۇندەرى استانا-پاۆلودار، ەسىل-اتباسار جانە كوكشەتاۋ-استانا ۋچاسكەلەرىندەگى تاس جولدارىندا شەكتەۋلەر ەنگىزىلدى.
وسىعان بايلانىستى جولاۋشىلار كەلەسى پويىزدارمەن تاسىمالداندى:
-«پاۆلودار-نۇر-سۇلتان-1» باعىتى بويىنشا №7501 پويىز؛
-«نۇر-سۇلتان-نۇرلى جول-كوكشەتاۋ» باعىتى بويىنشا №7507/7508 پويىز؛
-«نۇر-سۇلتان-1-كوكشەتاۋ» باعىتى بويىنشا №6829/6830 پويىز؛
-«نۇر-سۇلتان-نۇرلى جول-اتباسار» باعىتى بويىنشا №6803/6804 پويىز؛
-«نۇر-سۇلتان-1-پاۆلودار»باعىتى بويىنشا №7502 پويىز؛
-«نۇر-سۇلتان-1 – ەرەيمەنتاۋ» باعىتى بويىنشا №6832 پويىز.
اۋا-رايىنىڭ قولايسىزدىعىنا قاراماستان، جولاۋشىلار پويىزدارىنىڭ قوزعالىسى توقتامايدى. تەمىرجولدىڭ بارلىق قۇرىلىمدىق بولىمشەلەرى جولاۋشىلاردىڭ قاۋىپسىزدىكتەرىن قامتاماسىز ەتۋ ماقساتىندا قاجەتتى جۇمىستاردى اتقارىپ جاتىر.
«جولاۋشىلار تاسىمالى» اق ازاماتتاردان اۋا رايى جاعدايلارىن ەلەپ، ءوز ساپارلارىن الدىن الا جوسپارلاۋدى جانە جولاۋشىلاردىڭ قاۋىپسىزدىگىن قامتاماسىز ەتۋگە باعىتتالعان شارالارعا تۇسىنىستىكپەن قاراۋدى سۇرايدى.