الماتى اكىمى ەربولات دوسايەۆ المالى اۋدانىنىڭ تۇرعىندارىمەن كەزەكتى كەزدەسۋ وتكىزدى. اكىمدىكتىڭ باسپا ءسوز قىزمەتى وتكەن كەزدەسۋ بارىسىندا مەگاپوليس باسشىسىنىڭ بەرگەن تاپسىرمالارى تۋرالى ايتىپ بەردى، دەپ حابارلايدى almaty-akshamy.kz
وتكەن جىلدىڭ تامىز ايىندا وتكەن كەزدەسۋدە اۋدان تۇرعىندارى گۇلزارلار مەن ساياباق ايماقتارىنداعى جاسىل جەلەكتەرگە كۇتىم جاساۋ، اتاپ ايتقاندا ۋاقتىلى سۋارۋ ماسەلەسىن كوتەرگەن ەدى. ناتيجەسىندە «گاندي»، «بيوكومبينات»، «سوسنوۆىي»، «كىشى گاندي» ساياباقتارىندا جانە ا.يمانوۆ اتىنداعى ساياباقتا اۆتوماتتاندىرىلعان سۋارۋ جۇيەسى ورناتىلدى.
سونىمەن قاتار، بايتۇرسىنوۆ – تولە بي – ناۋرىزباي باتىر – بوگەنباي باتىر كوشەلەرىنىڭ بويىنداعى تۇرعىندار ينجەنەرلىك جەلىلەردىڭ ءجيى بۇزىلاتىنىنا شاعىمدانعان بولاتىن. وسىعان بايلانىستى قالالىق قىزمەتتەر ۇزىندىعى 3،6 كم جانە 0،3 كم جىلۋ جەلىلەرى بار 6 ۋچاسكەدە سۋ قۇبىرىن رەكونسترۋكسيالادى.
سونداي-اق، قالا تۇرعىندارىنىڭ ءوتىنىشى بويىنشا تولە بي كوشەسىنىڭ بويىمەن چوكين كوشەسىنەن بايزاقوۆ كوشەسىنە دەيىن جانە رايىمبەك داڭعىلىنىڭ بويىمەن مەحانيكا كوشەسىنەن اۋەزوۆ كوشەسىنە دەيىن جالپى ۇزىندىعى 1 كم تروتۋار سالىندى. قىركۇيەك ايىندا پانفيلوۆ كوشەسىنىڭ قابانباي باتىر كوشەسىنەن گوگول كوشەسىنە دەيىنگى ۋچاسكەسىندە تاس توسەلدى.
بايسەيىتوۆ كوشەسى مەن سەيفۋللين داڭعىلىنىڭ بويىنداعى ۇيلەردىڭ تۇرعىندارى اۋلالاردى ۇزاق جوندەۋگە قاتىستى شاعىمدانعان بولاتىن. ناتيجەسىندە، قالا اكىمىنىڭ تاپسىرماسى بويىنشا قازان ايىندا 9 كۇردەلى جوندەۋ جانە 50 اۋلاعا اعىمداعى جوندەۋ جۇمىستارى جۇرگىزىلدى. جۇمىس اياسىندا بالالار الاڭدارى، ترەناجەرلەر ورناتىلىپ، جارىقتاندىرۋ جاڭارتىلدى. سونداي-اق، گوگول كوشەسى مەن ابىلاي حان داڭعىلىنداعى 20 ءۇيدىڭ قاسبەتتەرىنە جوندەۋ جۇمىستارى جۇرگىزىلدى.
كەزدەسۋ قورىتىندىسى بويىنشا اۋداننىڭ 8 ۋچاسكەسىندە سۋ باسۋدىڭ الدىن الۋ ماقساتىندا ۇزىندىعى 2،7 كم ارىق جەلىسى رەكونسترۋكسيالاندى.
اۋدان تۇرعىندارى ۇيلەردى جانە الەۋمەتتىك نىسانداردى ۇزدىكسىز ەلەكترمەن جابدىقتاۋ ماسەلەسىنە الاڭداعان بولاتىن. وسىعان قاتىستى ەربولات دوسايەۆتىڭ تاپسىرماسى بويىنشا 4 قوسالقى ستانسيا رەكونسترۋكسيالانىپ، 8،5 كم ەلەكتر جەلىلەرىنە جوسپاردان تىس جوندەۋ جۇرگىزىلدى.
سونداي-اق، ايتەكە بي كوشەسىندەگى بايتۇرسىنوۆ پەن دوسمۇحامەدوۆ كوشەلەرىنىڭ اراسىن ۇزارتۋ جۇمىسى اياقتالدى جانە اعىمداعى جوندەۋمەن 29 مىڭ م2 قامتىلدى.