قالا تۇرعىندارىن قانداي ماسەلەلەر مازالايدى؟

الماتىلىقتاردى كوپ جاعدايدا اباتتاندىرۋ مەن ەكولوگيا ماسەلەسى توعاندىرادى. 

بۇل تۋرالى الماتى قالاسىنىڭ اكىمى ەربولات دوسايەۆ وكق-دا وتكەن الماتى قالاسىنىڭ الەۋمەتتىك ەكونوميكالىق دامۋىنىڭ 5 ايداعى نەگىزگى قورىتىندىلارى تۋرالى سويلەگەن سوزىندە ايتتى، دەپ حابارلايدى Almaty-akshamy.kz. 

قازاقستان رەسپۋبليكاسى پرەزيدەنتىنىڭ «حالىققا ەسەپ بەرۋ كەزدەسۋلەرىن وتكىزۋ تۋرالى» جارلىعىنا سايكەس، اكىمدىك اعىمداعى جىلدىڭ ءىى توقسانىندا قالانىڭ بارلىق اۋداندارىندا تۇرعىندارمەن 38 كەزدەسۋ وتكىزدى، ونىڭ ىشىندە 8 كەزدەسۋدى قالا اكىمى ءار اۋداندا وتكىزدى. 

كەزدەسۋلەرگە 40 مىڭنان استام تۇرعىن قاتىستى (زالدا – 5 مىڭ ادام، ونلاين – 35،3 مىڭ ادام) جانە 1 917 سۇراق قويىلدى، ونىڭ ىشىندە قالا اكىمى وتكىزگەن كەزدەسۋلەرگە 36،2 مىڭ ادام (زالدا – 3،9 مىڭ ادام، ونلاين – 32،3 مىڭ ادام) قاتىسىپ، 663 سۇراق قويىلدى. 

تۇرعىندار كوتەرگەن ماسەلەلەردىڭ شامامەن 60%-كە جۋىعى اباتتاندىرۋ مەن ەكولوگيا (459)، ينجەنەرلىك جانە كولىك ينفراقۇرىلىمى (300)، جەر مەن تۇرعىن ءۇي (184)، الەۋمەتتىك وبەكتىلەر (101)، كاسىپكەرلىك (69) ماسەلەلەرىنە قاتىستى بولدى.