الماتى قالاسىندا جاڭا قالا قۇرىلىسى رەگلامەنتى بەكىتىلىپ، 2040 جىلعا دەيىنگى باس جوسپارعا سايكەس جۇمىستار جۇرگىزىلۋدە.
بۇل ەرەجەلەر تىعىز قۇرىلىستاردى ازايتۋعا، تاريحي مۇرانى ساقتاۋعا جانە ەكولوگيالىق تالاپتاردى ورىنداۋعا باعىتتالعان.
الەۋمەتتىك تۇرعىن ۇيمەن قامتاماسىز ەتۋ ماڭىزدى باسىمدىقتاردىڭ ءبىرى بولىپ قالا بەرەدى.
سوڭعى ءۇش جىلدا 7 250 پاتەر ساتىپ الۋعا 167 ملرد تەڭگە بولىنسە، 2025 جىلى تاعى 3 050 پاتەر ساتىپ الۋ ءۇشىن 90 ملرد تەڭگە قاراستىرىلعان. بۇل شارالار الەۋمەتتىك وسال توپتاردى جانە جاس وتباسىلاردى باسپانامەن قامتاماسىز ەتۋدى كوزدەيدى.