«وتباسى بانكى» حالىققا قولجەتىمدى باسپانا الۋعا مۇمكىندىك بەرەتىن بىرنەشە باعدارلامانى جۇزەگە اسىرىپ كەلە جاتقانىن جاقسى بىلەسىزدەر. بيىل بانك ۇسىناتىن تۇرعىن ءۇي الۋعا ارنالعان باعدارلامالاردا ءبىراز وزگەرىستەر ەنگىزىلدى.
جاقىندا «ناۋرىز» باعدارلاماسىنىڭ اشىلۋىن كۇتىپ وتىرمىز. بۇل باعدارلاما سالىمشىلارىنا وتكەن جىلعى ءوتىنىم قابىلداۋ كەزىندە دەپوزيتتە بار سوما ءبىر ميلليون تەڭگەنى قۇراعان بولاتىن. ءقازىر ول ەكى ميلليون تەڭگەگە دەيىن ۇلعايتىلدى. بۇل – ءبىرىنشى وزگەرىس.
ەكىنشى وزگەرىس، ول – العاشقى جارناسى. ەگەر دە ءبىزدىڭ كليەنتىمىز باسپانا ماركەت پورتالىندا بەرىلگەن پاتەرلەردىڭ ىشىنەن تازا ارلەنگەن ۇيلەردى الۋعا نيەت بىلدىرسە، وندا ولاردىڭ العاشقى جارناسى 10%-دى قۇرايتىن بولادى.
بۇل وزگەرىس كليەنتتەردىڭ اي سايىن تولەيتىن سوماسىنىڭ از شىعۋىنا كومەكتەسەدى. ماسەلەن، ءۇي العاننان كەيىن ازاماتتار جوندەۋ جۇمىستارىن جۇرگىزۋگە باسقا جەردەن كرەديت الۋى مۇمكىن. سوندىقتان قۇرىلىس كومپانيالارى تازا، ارلەنگەن پاتەرلەردى ۇسىنادى. سوندا ءبىزدىڭ كليەنتتەرىمىزگە اي سايىن تولەيتىن سوماسى تەك قانا ءبىر كرەديتپەن شەكتەلەتىن بولادى.
بۇدان بولەك، بيىل «ۇماي» جانە «جاسىل يپوتەكا» باعدارلامالارى ىسكە قوسىلادى. ازيالىق دامۋ بانكىمەن بىرلەسكەن جوبا 90 ملرد تەڭگە قاراجات تارتىلىپ وتىر. «ۇماي» باعدارلاماسىنىڭ اياسىندا جوندەۋ جۇمىستارى بويىنشا 15 ملن تەڭگەگە دەيىن نەسيە الۋ مۇمكىندىگى بار.
نارىقتىق باعدارلامالارىمىز دا بار. ياعني 50/50، «ءوز ءۇيىم» باعدارلامالارى ارقىلى بارلىق قاتىسۋشى وزىنە ۇناعان پاتەرلەرىن ءبىرىنشى نەمەسە ەكىنشى نارىقتان ساتىپ الا الادى.
الماتى تۇرعىندارىنان جىلدان-جىلعا ءوتىنىم بەرۋشىلەردىڭ قاتارى كوبەيىپ، بانكتىڭ سالىمشىلارىنىڭ سانى ارتۋدا. نەسيە الاتىن وتباسىلار دا كوبەيدى. 2024 جىلى الماتى قالاسى بويىنشا 13679 وتباسى ءۇيلى بولىپ، قونىس تويىن تويلادى.