الماتىنىڭ ورتالىعىندا دريفت جاساعان كولىك اۋەسقويى جاۋاپقا تارتىلدى
پوليسياعا بۇل تۋرالى دابىل الەۋمەتتىك جەلى ارقىلى تۇسكەن، دەپ حابارلايدى Almaty-akshamy.kz Polisia.kz-كە سىلتەمە جاساپ.
«قۇقىق بۇزۋشىلىققا بىردەن جاۋاپ بەرىلدى. پاترۋلدىك پوليسيا پولكىنىڭ ەكىنشى روتاسىنىڭ قىزمەتكەرلەرىمەن تۇنگى ۋاقىتتا دريفت ۇيىمداستىرىپ، تۇرعىنداردىڭ تىنىشتىعى مەن جول ەرەجەسىن بۇزعان “BMW” جۇرگىزۋشىسى انىقتالدى جانە جاۋاپكەرشىلىككە تارتىلدى. ول 1993 جىلى تۋعان ش. ەسىمدى ازامات بولىپ شىقتى. قۇقىق بۇزۋشىعا قاتىستى ق ر اقبك-نىڭ 595-بابى 1-بولىگى، 630-بابى 1-بولىمىنە سايكەس اكىمشىلىك حاتتامالار جاسالىپ، جول قوزعالىسى ەرەجەلەرىن مۇلتىكسىز ساقتاۋ جونىندە تۇسىندىرمە اڭگىمە جۇرگىزىلدى. بۇل ايماق ەرەكشە باقىلاۋعا الىندى»، – دەدى المالى اۋداندىق پوليسيا باسقارماسىنىڭ باستىعى ەسەن ىسقاقوۆ.