الماتىدا 15 قىركۇيەك كۇنى ساعات 19:00-دە قالا كۇنىنە وراي جانە اباي اتىنداعى قازاق ۇلتتىق وپەرا جانە بالەت تەاترىنىڭ الدىندا جاڭا «مۇرا» تەاتر ماۋسىمى باستالۋىنا قاتىستى گالا-كونسەرت وتەدى. وعان قازاقستاننىڭ حالىق ءارتىسى نۇرجامال ۇسەنبايەۆا، قازاقستاننىڭ ەڭبەك سىڭىرگەن قايراتكەرلەرى ءجاميلا باسپاقوۆا، گۇلزات داۋربايەۆا، «قۇرمەت» وردەنىنىڭ يەگەرى زارينا التىنبايەۆا، حالىقارالىق بايقاۋلاردىڭ جەڭىمپازدارى نۇرجان باجەكەنوۆ، فارحاد كۋبييەۆ، ۆەنەرا الپىسبايەۆا جانە باسقا دا وپەرا جانە بالەت جۇلدىزدارى قاتىسادى، دەپ حابارلايدى aqshamnews.kz
ايتا كەتەرلىگى، وسى ءىس-شارانىڭ وتۋىنە بايلانىستى 15 قىركۇيەكتە ساعات 17:00-دەن 23:00-گە دەيىن ابىلاي حان داڭعىلىنان نازاربايەۆ داڭعىلىنا دەيىن قابانباي باتىر كوشەسى جابىلادى دەپ كۇتىلۋدە.
گالا-كونسەرتتى ۇيىمداستىرۋشىلار اباي اتىنداعى قۇوبت-ى مەن الماتى قالاسىنىڭ اكىمدىگى كونسەرتتىك باعدارلامانىڭ ءاربىر ءنومىرى اشىق كەڭىستىك ءۇشىن كوركەم ويلاستىرىلعان وپەرالار مەن بالەتتەردىڭ ۇزدىك ۇزىندىلەرى ەكەنىن اتاپ ءوتتى. اشىق اسپان استىنداعى اينالمالى ساحنادا كورەرمەندەرگە كلاسسيكالىق جانە زاماناۋي سەنوگرافيا الەمىنىڭ ۇزدىكتەرى ۇسىنىلادى. گالا-كونسەرتتىڭ ديريجەرى-قازاقستاننىڭ ەڭبەك سىڭىرگەن قايراتكەرى نۇرجان بايبوسىنوۆ.
سونىمەن قاتار، ونەر وشاعىنىڭ جاڭا 91 ماۋسىمى مەن قالا كۇنىنىڭ باستالۋىنا ارنالعان ءىس-شاراتۇرعىندار مەن قوناقتارعا ۇمىتىلماس جارىق شوۋىن ۇسىنادى. ونى جاساۋ ءۇشىن تانىمال جارىق سۋرەتشىسى، بەدەلدى «التىن ماسكا» تەاتر سىيلىعىنىڭ يەگەرى، كوپتەگەن حالىقارالىق جوبالاردىڭ قاتىسۋشىسى تاتيانا ميشينا شاقىرىلدى.
«اباي اتىنداعى تەاتر - ونەردىڭ بىرەگەي بەسىگى. ونىڭ باستى ماقساتى – بولاشاق ۇرپاققا كيەلى ساحنا ۆيرتۋوزدارىنىڭ شەبەرلىگىن وياتۋ، 90 جىلدىق ادەمى ءداستۇرىمىزدىڭ كورنەكى جاڭالىعىن قالىپتاستىرۋ، سۇيىكتى كورەرمەندەرىمىزبەن بايلانىستى نىعايتۋ جانە تەاتردىڭ تەرەڭ تاريحىن بايىتۋ»، - دەپ اتاپ ءوتتى اباي اتىنداعى قۇوب-نىڭ ديرەكتورى اينۇر كوپباساروۆا.
وتەتىن ورنى: اباي اتىنداعى قازاق ۇلتتىق وپەرا جانە بالەت تەاترى الدىنداعى الاڭ (قابانباي باتىر كوشەسى، 110).
