وتكەن جىلى ناۋرىزباي اۋدانىندا الاڭى 4 مىڭ شارشى مەتردى قۇرايتىن Ala Estate پاركى اشىلدى. ءقازىر مۇندا جيھاز، كونديتەرلىك جانە گالانتەرەيالىق، كەڭسە تاۋارلارىن، بەتپەردەلەر مەن تاماق ورامالارىن شىعاراتىن 9 زاۋىت جۇمىس ىستەيدى.
جۇمىس ساپارى كەزىندە الماتى اكىمى باقىتجان ساعىنتايەۆ الەۋمەتتىك، ينجەنەرلىك نىساندار مەن جولداردىڭ سالىنۋ بارىسىن، سونداي-اق ناۋرىزباي اۋدانىنداعى قوعامدىق كەڭىستىكتەردىڭ اباتتاندىرىلۋىن تەكسەردى، دەپ حابارلايدى Almaty-akshamy.kz.
جاڭا الماتىنىڭ الەۋمەتتىك ينفراقۇرىلىمىن دامىتۋعا ەرەكشە كوڭىل بولىنەدى. تاۋ سامالى مەن اقجار شاعىناۋداندارىندا 120 ورىندىق بالاباقشالاردىڭ قۇرىلىسى اياقتالدى. ءقازىر جيھازدار مەن جابدىقتاردى ورناتۋ جۇمىستارى جالعاسۋدا. قالا اكىمى باقىتجان ساعىنتايەۆ قۇرىلىسشىلاردىڭ جۇمىس ناتيجەلەرىمەن تانىسىپ، اقجار شاعىناۋدانىنداعى بالاباقشاعا ينجەنەرلىك كوممۋنيكاسيالاردى قوسۋدى 10 شىلدەگە دەيىن اياقتاۋدى تاپسىردى.
كاسىپكەرلەر ءبىلىم بەرۋ ينفراقۇرىلىمىنىڭ دامۋىنا دا ءوز ۇلەستەرىن قوسۋدا. باقىتجان ساعىنتايەۆ اقجار ىقشاماۋداندا سالىنىپ جاتقان Upstream Zerek school جەكە مەكتەبىندە بولدى. وقۋ ورنى زاماناۋي ستاندارتتارعا ساي سالىنىپ جاتىر جانە 140 باستاۋىش سىنىپ وقۋشىلارىنا ارنالعان.
مەگاپوليس اكىمى №15 مەكتەپ-ينتەرناتتى كۇردەلى جوندەۋدەن وتكىزۋ جوسپارلارىمەن تانىستى. ب.ساعىنتايەۆ ىرگەلەس اۋماقتى اباتتاندىرۋ جانە 4 گا الاڭعا سكۆەر جاساۋ جوباسىن ازىرلەۋدى تاپسىردى. سونداي-اق، تاستىبۇلاق شاعىن اۋدانىندا اۋماعى 3،1 گا بولاتىن بوس جەر ۋچاسكەسىن يگەرۋ بويىنشا جوبا ازىرلەنەدى. مۇندا دەنەشىنىقتىرۋ-ساۋىقتىرۋ ورتالىعىن، زاماناۋي كىتاپحانا سالۋ، قوعامدىق كەڭىستىكتەردى اباتتاندىرۋ جوسپارلانۋدا. وسىلايشا، قاراۋسىز قالعان اۋماق وزگەرىپ، ناۋرىزباي اۋدانى تۇرعىندارى دەمالاتىن جاڭا تارتىمدى نۇكتەگە اينالادى.
قالا اكىمى Nur Otan پارتياسى اۋداندىق فيليالى عيماراتىنىڭ قۇرىلىس الاڭىندا بولدى جانە بۇرىنعى قان ورتالىعىنىڭ اۋماعىن ارالادى. ونىڭ تاپسىرماسى بويىنشا مۇندا پسيحولوگيالىق دامۋى تومەن بالالارعا ارنالعان كوررەكسيالىق ورتالىق پەن الەۋمەتتىك مۋزىكالىق مەكتەپ سالۋ جوبالارى ازىرلەنەدى.
تاستىبۇلاق شاعىن اۋدانىندا جول سالۋعا دايىندىق جۇرۋدە. بۇرىندارى مۇندا 32،6 شاقىرىم ينجەنەرلىك جانە 10،4 شاقىرىم سۋ بۇرۋ جەلىلەرى تارتىلعان بولاتىن. 12،8 شاقىرىم كوشەگە اسفالت توسەۋ جوسپارلانۋدا. الماتى اكىمى باقىتجان ساعىنتايەۆپەن كەزدەسۋ بارىسىندا جەرگىلىكتى بەلسەندى تۇرعىندار ءتورت كوشەگە تارتىلعان ينجەنەرلىك جەلىلەردەگى جۇمىس ساپاسىن تەكسەرۋگە نيەت ءبىلدىردى.
قالا اكىمىنىڭ تاپسىرماسى بويىنشا «الماتى سۋ» ماماندارى تۇرعىندارمەن بىرگە قوسىمشا تەكسەرۋلەر جۇرگىزەدى. وسىدان كەيىن مەردىگەر جولداردى قالپىنا كەلتىرۋگە كىرىسەدى. اسفالت توسەۋدى كۇزگە دەيىن اياقتاۋ مىندەتى قويىلدى.
Almaty Business-2025 باعدارلاماسىنا سايكەس شاعىن وندىرىستىك پاركتەردەگى قولجەتىمدى ءوندىرىس الاڭدارىن ۇسىنۋ ارقىلى شوب قولداۋ كورسەتىلۋدە. وتكەن جىلى ناۋرىزباي اۋدانىندا الاڭى 4 مىڭ شارشى مەتردى قۇرايتىن Ala Estate پاركى اشىلدى. ءقازىر مۇندا جيھاز، كونديتەرلىك جانە گالانتەرەيالىق، كەڭسە تاۋارلارىن، بەتپەردەلەر مەن تاماق ورامالارىن شىعاراتىن 9 زاۋىت جۇمىس ىستەيدى. 120 تۇراقتى جۇمىس ورنى قۇرىلدى.
كاسىپكەرلەر باقىتجان ساعىنتايەۆقا الاڭداردى جالعا الۋ شارتتارىنىڭ قولجەتىمدى ەكەنىن جانە ونىڭ قىسقا مەرزىمدە سۇرانىسقا يە ونىمدەر شىعارۋعا مۇمكىندىك بەرەتىنىن ايتتى. اlmaty Finance جانە «Mفو Almaty» ج ش س جىلدىق مولشەرلەمەسى 2%-دىق قولجەتىمدى نەسيەلەر الۋ ارقىلى ءوندىرىستى كەڭەيتۋگە بولادى. وتكەن جىلى Ala Estate شاعىن وندىرىستىك پاركىنە قاتىسۋشىلار 120 ملن تگ ءونىمىن شىعاردى.
الماتى اكىمى شەتەلدىك ينۆەستورلار مەن تەحنولوگيالاردى تارتا وتىرىپ، 300 جۇمىس ورنىن قۇرۋ جوسپارلانعان توقىما فابريكاسى قۇرىلىسىنىڭ جوباسىمەن تانىستى.
باقىتجان ساعىنتايەۆ قاراعايلى شاعىن اۋدانىنداعى تاجييەۆ كوشەسىنىڭ بويىنداعى جاڭا كوپىردى جانە «قارعالى» سۋ تازارتۋ ستانساسىنىڭ قۇرىلىس بارىسىن تەكسەردى. قالا اكىمى نىساندى جوبادا كورسەتىلگەن مەرزىمدە تاپسىرۋدى تاپسىردى.
جۇمىس ساپارى كەزىندە مەگاپوليس اكىمى قازىرگى كەزدە جاندوسوۆ كوشەسىنىڭ بويىندا قۇرىلىسى باستالعان جاڭا جاياۋ جۇرگىنشىلەر ايماعىنداعى شاعىن ارحيتەكتۋرالىق پىشىندەردى مەن جارىق شامدارىن دا كوردى. باقىتجان ساعىنتايەۆ جايلى ورىندىقتار مەن زاماناۋي جارىق قۇرىلعىلارىن ورناتۋدى تاپسىردى. بۇدان وزگە، الماتى اكىمىنىڭ تاپسىرماسى بويىنشا اۋدان اكىمدىگىنىڭ الدىندا 4،5 گا اۋماقتا زاماناۋي دەمالىس ساياباعى جاسالاتىن بولادى.
اۋداندا قوعامدىق كەڭىستىكتەردى اباتتاندىرۋ ماقساتىندا «بيۋدجەتكە قاتىسۋ» باعدارلاماسى اياسىندا 50 جوبا جۇزەگە اسىرىلۋدا.
اعىمداعى جىلى بالالار مەن سپورت الاڭدارىن، تروتۋارلاردى، سەرۋەندەۋ ايماقتارىن، كوشەلەر مەن ساياباقتاردى، سونداي-اق تاستىبۇلاق جانە قالقامان شاعىن اۋداندارىنداعى ارىق جەلىلەرى مەن وزەن ارنالارىن جوندەۋ جۇمىستارى جۇرگىزىلەتىن بولادى.