وزەندەرىنىڭ باسسەيندەرىنىڭ جاعدايىنا باعالاۋ جۇرگىزدى.
الماتى اكىمى ەربولات دوسايەۆ پەن توتەنشە جاعدايلار ءمينيسترى يۋريي يلين مەگاپوليستىڭ سەل قاۋىپسىزدىگىن باقىلاۋ جانە مونيتورينگ جۇرگىزۋ ماقساتىندا مورەنالىق كولدەردىڭ جاي-كۇيىنە اەروۆيزۋالدى زەرتتەۋ جۇرگىزدى، دەپ حابارلايدى Almaty-akshamy.kz.
تىكۇشاقپەن ۇشىپ باقىلاۋعا "قازسەلدەنقورعاۋ" مم، قالالىق تجد جانە ت.ب. مەكەمەلەردىڭ باسشىلارى مەن ماماندارى قاتىستى. مورەنالىق كولدەردىڭ، سونداي-اق اقساي، قارعالى، كىشى جانە ۇلكەن الماتى وزەندەرىنىڭ باسسەيندەرىنىڭ جاعدايىنا باعالاۋ جۇرگىزىلدى. الماتىنىڭ ماڭايىندا بارلىعى 50-دەن استام مورەنالىق جانە مۇزدىق كولدەر بار، ولاردىڭ 12ء-سى ءقاۋىپتى، ءقاۋىپتى كولدەردىڭ جەتەۋىندە اعىمداعى جىلى سەل ءقاۋپىن تومەندەتۋ بويىنشا الدىن الۋ جۇمىستارى جۇرگىزىلۋدە.
"قازسەلدەنقورعاۋ" ماماندارىنىڭ باعالاۋى بويىنشا، الماتى تاۋلارىنداعى مۇزدىق كولدەردىڭ بۇزىلۋ ءقاۋپى بار، سەل قاۋپىنە بايلانىستى جاعداي ەرەكشە باقىلاۋدا. تەمپەراتۋرانىڭ جوعارىلاۋىنا بايلانىستى مۇزدىقتاردىڭ ەرۋى بايقالادى، ولار قىسقى قاردان شامامەن 40-80% ارىلعان. مورەنالىق كولدەردىڭ كوپشىلىگى سۋعا تولتىرىلعان، ءبىراق ولارداعى سۋ دەڭگەيى ءقاۋىپسىز دەڭگەيگە سايكەس كەلەدى، جەر بەتىندەگى اعىندار قالىپتى شەكتە.
2021 جىلى جەرگىلىكتى بيۋدجەت ەسەبىنەن 31 ستانسيادان تۇراتىن كىشى، ۇلكەن الماتى، قارعالى جانە اقساي وزەندەرىنىڭ باسسەيندەرىندە سەل ءقاۋپىنىڭ اۆتوماتتاندىرىلعان مونيتورينگ جۇيەسى ەنگىزىلدى. جۇيە سۋ دەڭگەيىن، اۋا مەن سۋدىڭ تەمپەراتۋراسىن، توپىراقتىڭ ىلعالدىلىعىن، جاۋىن-شاشىننىڭ قارقىندىلىعىن، سەل ءتۇس قاۋپىە قوسا العاندا، تاۋ وزەندەرىنىڭ جاي-كۇيىنىڭ 10-عا دەيىنگى پارامەترلەرىنە اۆتوماتتى تۇردە مونيتورينگ جاسايلى.
مورەنالىق كولدەردىڭ جاي-كۇيىن تاۋلىك بويى باقىلاۋ قازسەلدەنقورعاۋدىڭ 9 تۇراقتى جانە 10 ماۋسىمدىق گيدروپوستارىندا جۇزەگە اسىرىلادى. الماتى اكىمدىگىنىڭ قولداۋىمەن ولار تۇرعىن ءۇي مودۋلدەرىمەن، تىرشىلىكتى قامتاماسىز ەتۋ قۇرالدارىمەن، گيدرومەتەورولوگيالىق اسپاپتارمەن جانە بايلانىس قۇرالدارىمەن جابدىقتالعان.
مورەنالىق كولدەردەن سۋدى اعىزۋ بويىنشا الدىن الۋ جۇمىستارىنا بارلىعى 40 ادام كىرىستى، قاجەت بولعان جاعدايدا بۋلدوزەرلەر ىسكە قوسىلادى، ەۆاكۋاسيالىق كانالداردى تازالاۋ جانە تەرەڭدەتۋ جوسپارلانۋدا.
تىكۇشاقتان باقىلاۋ بارىسىندا قالا اكىمى ايۋساي شاتقالىندا سالىنىپ جاتقان سەلدەن قورعايتىن بوگەتتىڭ نىسانىمەن تانىستى. ۇلكەن الماتى جانە اقساي وزەندەرىنىڭ باسسەيندەرىندە 122 سەل ءقاۋپى بار ۋچاسكە، 114 مۇزدىق، مورەنالىق كولدەر ورنالاسقان. جەلىلىك قاۋىپسىزدىكتى قامتاماسىز ەتۋ ءۇشىن اقساي جانە ايۋساي شاتقالدارىندا ەكى بوگەت سالىنۋدا. بۇگىنگى كۇنى قۇرىلىس بەلگىلەنگەن كەستەگە سايكەس جۇرگىزىلۋدە، ايۋساي بوگەتى بويىنشا جۇمىستاردى اياقتاۋ مەرزىمى 2022 جىلدىڭ سوڭىنا دەيىن، اقساي شاتقالى بويىنشا جۇمىستاردى اياقتاۋ 2023 جىلدىڭ سوڭىنا دەيىن جالعاسادى.
