بۇگىندە مەديسينالىق ۇيىمداردا، مەكتەپتەردە، مادەني جانە سپورتتىق مەكەمەلەردە، بازارلاردا جانە قالانىڭ سوسو-دا 212 ۆاكسينالاۋ پۋنكتى جۇمىس ىستەيدى. بۇلارعا 1260 ادامنان تۇراتىن 308 ەكپە بريگاداسى جۇمىلدىرىلعان.
باقىتجان ساعىنتايەۆ كۆي جونىندەگى سانيتارلىق-ەپيدەميولوگيالىق احۋال جانە ۆاكسينالانۋ قارقىنى تۋرالى مالىمدەدى، دەپ حابارلايدى Almaty-akshamy.kz.
قالادا 16 ماۋسىمداعى جاعداي بويىنشا، كوروناۆيرۋستىق ينفەكسيانىڭ 71 820 جاعدايى تىركەلدى، ونىڭ 55 707ء-ى سيمپتومدى جانە 16 113ء-ى سيمپتومسىز، 1889 جاعداي — انىقتالماعان پنيەۆمونيا. 2021 جىلعى 15 ماۋسىمدا كوروناۆيرۋستىق ينفەكسيانىڭ 112 جاعدايى تىركەلدى، ونىڭ ىشىندە 95 جاعداي سيمپتومدى جانە 17 جاعداي سيمپتوم، 12ء-ى انىقتالماعان پنيەۆمونيا. تاۋلىكتىك ءوسىم — 0،1%. رەپرودۋكتيۆتى سانى — 0،777.
ينفەكسيالىق ستاسيونارلاردا 706 ادام، ونىڭ ىشىندە 26 بالا جاتىر. ولاردىڭ 26-سىنىڭ جاعدايى وتە اۋىر، 196-سى اۋىر حالدە، 484ء-ى ورتاشا اۋىرلىق دارەجەسىندە.
بۇگىندە ۇيدەگى 923 پاسيەنت مساك ءموبيلدى بريگادالاردىڭ جانە تەلەمەديسينا ورتالىعىنىڭ باقىلاۋىندا، ونىڭ ىشىندە 196-ى سيمپتومسىز، 712ء-سى جەڭىل جانە 15ء-ى ورتاشا اۋىرلىق دارەجەسىندە.
«الماتى» تەلەارناسىنداعى Akimat LIVE باعدارلاماسىنىڭ تىكەلەي ەفيرى بارىسىندا باقىتجان ساعىنتايەۆ قالانىڭ كۆي بويىنشا «جاسىل» ايماققا وتۋىنە كارانتيندىك شەكتەۋ شارالارى مەن قالالىقتاردىڭ جاپپاي ۆاكسينالانۋىنىڭ وڭ اسەر ەتكەنىن اتاپ ءوتتى.
16 ماۋسىمداعى جاعداي بويىنشا، 351 497 ادام ۆاكسينا الدى، ونىڭ ىشىندە 5168 پوليسيا قىزمەتكەرى، 25 427 پەداگوگ، 30 630 دارىگەر. جالپى، ۆاكسينا العانداردىڭ ىشىندە 39 026-سى 60 جاستان (11،1%) اسقان ادامدار. بۇگىندە 235 107 ادامعا ەكى كومپونەنتتەن ۆاكسينا ەگىلدى.
بۇگىندە مەديسينالىق ۇيىمداردا، مەكتەپتەردە، مادەني جانە سپورتتىق مەكەمەلەردە، بازارلاردا جانە قالانىڭ سوسو-دا 212 ۆاكسينالاۋ پۋنكتى جۇمىس ىستەيدى. بۇلارعا 1260 ادامنان تۇراتىن 308 ەكپە بريگاداسى جۇمىلدىرىلعان.