استانادا قازاقستان رەسپۋبليكاسى مادەنيەت جانە اقپارات مينيسترلىگىنىڭ قولداۋىمەن ۇيىمداستىرىلعان قازاقستان حالقى اسسامبلەياسىنىڭ جىل سايىنعى «قايىرىمدىلىق كەرۋەنى» رەسپۋبليكالىق فورۋمى ءوتتى، دەپ حابارلايدى aqshamnews.kz.
فورۋم اياسىندا اسكەري-تاريحي مۇراجايدا قحا-نىڭ «جومارت جان» رەسپۋبليكالىق ورتالىعىنىڭ رەسپۋبليكا كۇنىنە ارنالعان وتىرىسى ءوتتى. «قايىرىمدىلىق كەرۋەنى» رەسپۋبليكالىق اكسياسى 1 ناۋرىزدا العىس ايتۋ كۇنى اياسىندا باستالدى. قازاقستاننىڭ بارلىق وڭىرلەرىنەن ۆولونتەرلەر مەن قايىرىمدى جاندار جينالدى.
اكسيا اياسىندا ەرەكشە نازار اۋدارىلعان «جۇرەكتەن جۇرەككە» جانە «مەكتەپكە جول» سياقتى كوپتەگەن ەكولوگيالىق، ۆولونتەرلىك جانە قايىرىمدىلىق ءىس-شارالار وتكىزىلدى. فورۋمدا «قايىرىمدىلىق كەرۋەنى» اكسياسىنا قاتىسۋشىلاردى قايىرىمدىلىققا قوسقان ەلەۋلى ۇلەسى ءۇشىن «جومارت جان» قحا قۇرمەت بەلگىسىمەن ماراپاتتاۋ ءراسىمى ءوتتى.
مەسەناتتار، ۆولونتەرلەر جانە قوعامدىق ۇيىمداردىڭ وكىلدەرى ماراپاتتارعا يە بولدى. ءىس-شارادا ەرەكشە قاجەتتىلىكتەرى بار بالالاردىڭ ونەر كورسەتىپ، كوپشىلىك ىقىلاسىنا بولەندى. اتالمىش فورۋم تاجىريبە الماسۋدىڭ جانە قايىرىمدىلىق كورسەتۋدىڭ ەڭ وزىق ۇلگىسىن ۇسىناتىن الاڭ عانا ەمەس، سونىمەن قاتار بىرلىك پەن ءوزارا كومەك قوعامدى بىرىكتىرە الاتىنىنىڭ جارقىن مىسالى بولدى.
ەسكە سالا كەتسەك، بۇعان دەيىن «شاڭىراقتىڭ» شاڭىراعىن ءان كەرنەگەنى جايىندا جازعان بولاتىنبىز.