ينتەراكتيۆتى كارتانى ەنگىزۋ قايتارىلعان اۋىل شارۋاشىلىعى جەرلەرىن ءبولۋ بويىنشا جۇمىستى اشىق ءارى ايقىن ەتەدى
قازاقستاندا مەملەكەتتىك مەنشىككە قايتارىلعان اۋىل شارۋاشىلىعى جەرلەرىنىڭ ينتەراكتيۆتى كارتاسى ىسكە قوسىلدى، ونى اۋىل شارۋاشىلىعى مينيسترلىگى مەن سيفرلىق دامۋ جانە اەروعارىش ونەركاسىبى مينيسترلىگى بىرلەسىپ ازىرلەدى. jerkarta.gharysh.kz گەوسەرۆيسىندە بۇعان دەيىن يگەرىلمەگەن، زاڭسىز بەرىلىپ، مەملەكەتكە قايتارىلعان ۋچاسكەلەر تۋرالى بارلىق اقپارات ورنالاستىرىلعان، دەپ حابارلايدى Almaty-akshamy.kz.
ينتەراكتيۆتى كارتا ازاماتتارعا كەز كەلگەن ۋاقىتتا قايتارىلعان اۋىل شارۋاشىلىعى جەرلەرى بويىنشا مونيتورينگتى جۇزەگە اسىرۋعا مۇمكىندىك بەرەدى جانە وسى ۋچاسكەلەردى الۋ ماقساتىندا جەرگىلىكتى اتقارۋشى ورگاندارعا ءوتىنىش بەرۋ ءۇشىن باعدار بولادى. بۇل جىلدار بويى پايدالانىلماعان اۋىلشارۋاشىلىق جەرلەرىن اينالىمعا تارتۋعا، سونداي-اق تۇرعىنداردى اۋىل شارۋاشىلىعى ءۇشىن قاجەتتى الاڭدارمەن قامتاماسىز ەتۋگە مۇمكىندىك بەرەدى.
بۇگىنگى كۇنى وبلىستار مەن اۋداندار بولىنىسىندە ينفوگرافيكانى ازىرلەۋ، سونداي-اق پورتالدىڭ ينتەرفەيسىن تولتىرۋ پروسەسى اياقتالىپ جاتىر.
ينتەراكتيۆتى كارتانى ەنگىزۋ قايتارىلعان اۋىل شارۋاشىلىعى جەرلەرىن ءبولۋ بويىنشا جۇمىستى اشىق ءارى ايقىن ەتەدى. ۋچاسكەلەردى قايتا ءبولۋدىڭ ودان ءارى مونيتورينگىن اۋماقتىق جەر رەسۋرستارىن باسقارۋ جونىندەگى دەپارتامەنتتەر، اكىمدىكتەر مەن پروكۋراتۋرا قىزمەتكەرلەرى قول جەتكىزە الاتىن جىلجىمايتىن مۇلىكتىڭ ءبىرىڭعاي مەملەكەتتىك كاداسترى پلاتفورماسىندا جۇزەگە اسىرۋ جوسپارلانىپ وتىر.
قايتا ءبولۋ پروسەسىنىڭ اشىقتىعىن قامتاماسىز ەتۋ ءۇشىن كونكۋرستاردى وتكىزۋ ءمودۋلىن ەلەكتروندىق ساۋدا الاڭىنىڭ بازاسىندا ىسكە اسىرۋ ۇسىنىلادى. قازىرگى ۋاقىتتا زاڭناماعا سايكەس، جەر پايدالانۋ قۇقىعىن بەرۋ جونىندەگى كونكۋرس قاعاز جۇزىندە وتكىزىلەدى.