سوڭعى ۋاقىتتا اۋرۋدى قان شىعارۋ تاسىلىمەن ەمدەيتىندەر كوبەيگەن.
ماماندار بۇل ءتاسىلدىڭ دەنساۋلىققا كەرى اسەرى دە بولۋى مۇمكىن دەيدى. سەبەبى قان شىعارۋعا مۇلدەم بولمايتىن جاعدايلار بولادى.سوندىقتان دا دارىگەرلەر بۇل پروسەدۋرانى قاداعالاپ، زاڭمەن رەتتەۋ قاجەت دەپ وتىر، دەپ حابارلايدى Almaty-akshamy.kz 24.kz-كە سىلتەمە جاساپ.
جاقىندا الەۋمەتتىك جەلىدە تاراعان بەينەجازبا كوپتىڭ ۇرەيىن تۋعىزدى. وندا جاڭا تۋعان نارەستەنىڭ ماڭدايىن ءتىلىپ، قان شىعارىپ جاتقان ەمشىنىڭ ارەكەتى جەلى قولدانۋشىلارىنىڭ اشۋىنا ءتيىپ،ۇرەيىن ۇشىردى. وندا نارەستەگە حيدجاما جاساپ جاتقانىن كورۋگە بولادى. ال كاسىبي مەديسينا ماماندارى بۇل پروسەدۋرانىڭ مەديسينالىق قىزمەت تۇرىنە جاتپايتىنىن ايتادى. ءداستۇرلى مەديسيناعا ءدال وسى شەرتپە ەمى كىرمەگەن. ءتىپتى، ءقازىر كۋرس وقىپ، سەرتيفيكات العاندار مۇنى كاسىپكە اينالدىرىپ وتىر دەپ دابىل قاعۋدا.
ال دونور رەتىندە قان تاپسىرۋ - يگى ءىس. بىرىنشىدەن، قان تاپسىرۋشى ادامنىڭ دەنساۋلىعىنا پايدالى بولسا، وسى ءىسى ارقىلى قان بەرگەن ادام وعان مۇقتاج ادامنىڭ ءومىرىن ساقتاۋدا اراشاشى بولا الادى. حيدجاما ارقىلى قان شىعارۋ - قاندى دالاعا توگۋ دەيدى ماماندار.
«حيدجامانى ءبىز 2 جىلدان بەرى عانا ەستىپ جاتىرمىز. ول قازاق تاريحىندا جوق. حيدجامانى قايدان ۇيرەندىڭ دەسە ايتادى بالەنباي دارىگەر اشقان كۋرسقا باردىم 10 كۇن ۇيرەتتى مىنە سەرتيفيكات. بۇل جاساعان قان، ول سول دونور قان تاپسىراتىن ادامداردىڭ جۇمىسىن اتقارىپ وتىر، دالاعا توگىپ وتىر. ءبىر تامشى قاننىڭ سۇراۋى بار. ءىس جۇزىندە ونى دا اقشانىڭ كوزىنە اينالدىردى، ودان قانشا ادامداردىڭ كوزى كورمەي قالادى، قانشا ادام مينينگيت بولادى، مۇمكىن ۋاقىتشا داۆلەنيە تۋسكەن بولار، نەرۆتى كەسىپ تاستاسا ۋاقىتشا شانشۋ توقتايدى. ال ءىس جۇزىندە قانداي زارداپ بولادى حالىق قايدان بىلەدى؟»، - دەيدى مەديسينا عىلىمىنىڭ دوكتورى، پروفەسسور جاسان زەكەي ۇلى
حيدجاما ءداستۇرلى مەديسيناعا جاتپايتىندىقتان بۇل پروسەدۋرا زاڭنامادا جوق. سايكەسىنشە، ليسەنزيا دا بەرىلمەيدى. ال حيجاما جاسايتىندار اۋرۋدان 100% ايىقتىرامىز دەپ ۋادە بەرە المايتىنىن ايتادى.
«بولمايدى كىمدە گيمافيليا اۋرۋى، بۇل قاننىڭ سۇيىقتىعى، وبششيي اناليز كروۆي الۋ كەرەك، ديابەت بولماۋ كەرەك، تەمپەراتۋرا بولماۋ كەرەك، ويتكەنى تەمپەراتۋرا بولعان كەزدە باستان المايمىز، دەنەدەن الا بەرەمىز تەمپەراتۋرا بولعاندا باستان الۋعا بولمايدى ويتكەنى ينفەكسيا باسقا كوتەرىلمەيتىندەي. ءبىراق، ايتىپ قويايىن، بارلىعىنا بەرە قويمايدى ، بىرەۋىنە ەم بولىپ جاتادى، بىرەۋىنە ەم بولمايدى. سوندىقتان، ءبىز الدىن الا ادامدار كەلىپ جاتقاندا، ءبىز 100% بۇل ساعان كومەكتەسەدى دەپ ايتپايمىز»، - دەيدى حيدجاما جاساۋشى قارلىعاش بايكەنوۆا.
بۇل عانا ەمەس، حالىق ەمى دەپ ومىرتقانى بالعامەن ۇرىپ ەمدەيتىندەر شىققان. ارنايى ماماندار ونىڭ دا زاردابى بارىن ايتادى.
«مانۋلدىق تەراپيادا دۇرىس دياگنوز قويۋ ءۇشىن ارنايى ادىستەر بار. الاقانمەن سيپاۋ سياقتى تەحنيكالار بار. قولمەن سوققىلاۋ ءادىسى بۇيرەك ايماعىندا وتە مۇقيات جاسالۋى كەرەك. سەبەبى، ىشكى اعزاعا زيان تيگىزۋى مۇمكىن. الايدا بالعامەن ۇرۋ دەگەندى مەن قۇپتامايمىن. بۇگىندە ءتىپتى ونلاين وقىپ، سەرتيفيكاتىم بار دەپ جۇمىس ىستەپ جۇرگەندەر بار. دارىگەر ەمەس، مۇنداي ماماندارعا قالاي سەنۋگە بولادى؟» - دەيدى مانۋالدى تەراپيەۆت يۋريي پاك.
ال نارەستەگە حيدجاما جاساعاندار زاڭ بويىنشا جاۋاپ بەرەدى. دەنساۋلىق ساقتاۋ مينيسترلىگى بۇل جاعدايدى ارنايى باقىلاۋعا الدى. ءارى حيدجاما ورتالىقتارىنىڭ دا جۇمىسى تەكسەرىلەدى.