تۇركسىب اۋدانى تۇرعىندارىنىڭ ءوتىنىشى بويىنشا "قايرات" شاعىن اۋدانىنان “رايىمبەك” مەترو ستانسياسىنا دەيىن №9 جاڭا اۆتوبۋس باعىتى ىسكە قوسىلدى.
باعىتتا بارلىعى 8 اۆتوبۋس بار. الماتى قالاسى تۇركسىب اۋدانىنىڭ اكىمى باقىتجان اقجاروۆ وكق وتكەن بريفينگتە قوعامدىق كولىك قىزمەتىنىڭ ساپاسى تۋرالى ءمالىم ەتتى، اlmaty-akshamy.kz.
«قوعامدىق كولىك قىزمەتىنىڭ ساپاسى اكىمدىكتىڭ ەرەكشە باقىلاۋىندا. جىل سوڭىنا دەيىن جاڭا اۆتوبۋستاردىڭ كەلۋىمەن №8، 13، 17، 38، 46، 47، 69، 130 جەتى باعىتتاعى جىلجىمالى قۇرام جاڭارتىلادى»، - دەدى ب. اقجاروۆ.
اۋدان اكىمىنىڭ ايتۋىنشا، شالعاي اۋدانداردا تۇراتىن بالالاردى تاسىمالدايتىن «مەكتەپ اۆتوبۋسى» جوباسىن كەلەسى جىلى كەڭەتۋ جوسپارلانۋدا. بۇگىندە تۇركسىب اۋدانى بويىنشا اۋداننىڭ بەس مەكتەبىنەن بالالاردى تاسىمالدايتىن 7 «schoolbus» اۆتوبۋسى جۇرەدى (№20، 32، 162، 115، 89).