2023 جىلدىڭ سوڭىنا دەيىن تۇركسىب اۋدانىنداعى قايرات ىقشاماۋداندا مەملەكەتتىك بالاباقشانىڭ قۇرىلىسىن اياقتاۋ جوسپارلانىپ وتىر
تۇركسىب اۋدانىندا حالىق سانىنىڭ ءوسۋى جانە تۇرعىن ءۇي قۇرىلىسىنىڭ بەلسەندى جۇرۋىنە بايلانىستى الەۋمەتتىك ينفراقۇرىلىم نىساندارىنا دەگەن قاجەتتىلىك ارتۋدا. وكق بريفينگىندە اۋدان اكىمى باقىتجان اقجاروۆ جاقىن ارادا قانداي جاڭا الەۋمەتتىك نىساندار پايدا بولاتىنىن جانە قايسىسى پايدالانۋعا بەرىلگەنىن مالىمدەدى، دەپ حابارلايدى اlmaty-akshamy.kz.
مەكتەپتەردەگى ورىن تاپشىلىعىن ازايتۋ ءۇشىن بيىل 1 قىركۇيەكتەن باستاپ "قايرات" شاعىن اۋدانىندا 1500 ورىندىق №211 جاڭا مەكتەپ-گيمنازياسى پايدالانۋعا بەرىلدى. سونداي-اق، №59 مەكتەپ-گيمنازياسىنىڭ عيماراتىندا قولدانىستاعى عيماراتتى سەيسميكالىق كۇشەيتۋ جانە 300 ورىندىق كەڭەيتۋ مەن قايتا جاڭارتۋ جۇرگىزىلۋدە.
«2023 جىلدىڭ جەلتوقسان ايىندا 450 ورىندىق №195 مەكتەپتىڭ قۇرىلىسى باستالدى. سونداي-اق، 600 ورىندىق №198 مەكتەپكە قوسىمشا سالۋ، №83 گيمنازيا فيليالىن قايتا جاڭارتۋ جانە №50 مەكتەپ عيماراتىن سەيسميكالىق كۇشەيتۋ جۇمىستارى دا جوبالانۋدا»، - دەدى ب.اقجاروۆ.
بۇدان بولەك، ستۋدەنتتەردى كاسىپتىك بىلىممەن قامتۋدى كەڭەيتۋ ءۇشىن 2024 جىلدىڭ I توقسانىندا الماتى تەلەكوممۋنيكاسيا جانە ماشينا جاساۋ كوللەدجىنىڭ قۇرىلىسىنا قولدانىستاعى عيماراتتاردى بۇزا وتىرىپ، جوبالىق-سمەتالىق قۇجاتتاما ازىرلەۋ اياقتالادى.
2023 جىلدىڭ سوڭىنا دەيىن "قايرات" شاعىن اۋدانىندا 260 ورىندىق مەملەكەتتىك بالاباقشانىڭ قۇرىلىسى اياقتالادى.
سونىمەن قاتار، المەرەك شاعىن اۋدانىندا 320 ورىندىق بالاباقشا سالۋ جوسپارلانۋدا. جەر تەلىمىن الىنعاننان كەيىن، 2024 جىلدىڭ I توقسانىندا جوبالىق-سمەتالىق قۇجاتتامانى ازىرلەۋگە كونكۋرس جاريالانادى.
ال وسى جىلدىڭ سوڭىنا دەيىن "نۇرشاشقان" شاعىن اۋدانىندا 100 كەلۋشىگە ارنالعان جاڭا دارىگەرلىك امبۋلاتوريا سالىنادى. كەلەسى جىلدىڭ ءبىرىنشى توقسانىندا ايباسوۆ كوشەسى بويىنشا 200 كەلۋشىگە ارنالعان امبۋلاتوريا قۇرىلىسى اياقتالادى.
«2024 جىلدىڭ ءبىرىنشى توقسانىندا "قايرات" شاعىن اۋدانىندا 340 كەلۋشىگە ارنالعان ەمحانا قۇرىلىسىنىڭ جوبالىق-سمەتالىق قۇجاتتاماسىن ازىرلەۋدى اياقتاۋ، جانە «رۆ-90»-دا 200 كەلۋشىگە ارنالعان وتباسىلىق دارىگەرلىك امبۋلاتورياعا مەملەكەتتىك ساراپتامانىڭ شىعۋىن اياقتاۋ جوسپارلانۋدا»، - دەدى تۇركسىب اۋدانىنىڭ اكىمى.
"المەرەك" شاعىن اۋدانىنىڭ تۇرعىندارىنا مەديسينالىق قىزمەت كورسەتۋ ءۇشىن 200 كەلۋشىگە ارنالعان وتباسىلىق دارىگەرلىك امبۋلاتوريا سالۋ جوسپارلانعان. جەر تەلىمى الىنعاننان كەيىن جوبالىق-سمەتالىق قۇجاتتامانى ازىرلەۋگە كونكۋرس جاريالانادى.
سونىمەن قاتار، الەۋمەتتىك جانە سپورت نىساندارىنا «قادامدىق قولجەتىمدىلىكتى» قامتاماسىز ەتۋ ءۇشىن 2024 جىلدىڭ I توقسانىندا "جاس قانات" شاعىن اۋدانىندا وتكىزۋ قابىلەتى ءبىر اۋىسىمدا 149 كەلۋشىنى قۇرايتىن دەنە شىنىقتىرۋ-ساۋىقتىرۋ كەشەنىن اشۋ جوسپارلانۋدا. 2024 جىلدىڭ اقپان ايىندا اياقتالۋ مەرزىمىمەن مايلين كوشەسى بويىنداعى دەنە شىنىقتىرۋ-ساۋىقتىرۋ كەشەنىنىڭ قۇرىلىسىنا جوبالىق-سمەتالىق قۇجاتتاما ازىرلەنۋدە.