قايرات ساتىبالدى ۇلىنىڭ تۋىسىنا ىزدەۋ جاريالاندى

مەملەكەتكە كەلتىرىلگەن زالال 320 ملن تەڭگەدەن استى

مەملەكەتكە 320 ملن تەڭگەدەن استام سوماعا زالال كەلتىرگەن قايرات ساتىبالدى ۇلىنىڭ تۋىسى باحتيار بايسەيىتوۆكە ىزدەۋ جاريالاندى. بۇل تۋرالى ق ر سىبايلاس جەمقورلىققا قارسى ءىس-قيمىل اگەنتتىگىنەن ءمالىم ەتتى، دەپ حابارلايدى Almaty-akshamy.kz. 

«سىبايلاس جەمقورلىققا قارسى قىزمەت «قاراتاۋ» ج ش س («قازاتومونەركاسىپ» ۇاك اق ەنشىلەس ۇيىمى) جانە «Iri building» ج ش س لاۋازىمدى تۇلعالارىنا قاتىستى 2019-2021 جىلدار كەزەڭىندە قاراتاۋ كەنىشىندە (تۇركىستان وبلىسىنىڭ سوزاق اۋدانى) قىزمەت كورسەتۋ كەزىندە اقشا قاراجاتىن ۇرلاۋ فاكتىسى بويىنشا سوتقا دەيىنگى تەرگەۋدى جالعاستىرۋدا.

تەرگەۋ بارىسىندا ب.بايسەيىتوۆ ق. ساتىبالدىۇلىمەن تۋىستىق بايلانىستا بولۋىن قولدانا وتىرىپ باقىلاۋىنداعى كومپانيا «Iri building» ج ش س مۇددەسىن لوببيلەندىرىپ كەلگەنى انىقتالدى. اتالعان كاسىپورىن مەن كۆازيمەملەكەتتىك سەكتور سۋبەكتىسى «قاراتاۋ» ج ش س اراسىندا 2019 جىلى «قاراتاۋ» كەنىشى بويىنشا 6،2 ملرد تەڭگە سوماسىنا قۇرىلىس جۇمىستارىنا شارت جاسالعان.

ب.بايسەيىتوۆ «Iri building» ج ش س قىزمەتىن تىكەلەي باسقارعان جانە وبەكتى قۇرىلىسىنان ءتۇسىپ كەلگەن اقشالاي قاراجاتتى ءبولىپ وتىرعان. بۇل رەتتە جابدىقتىڭ ءبىر بولىگى جەتكىزىلمەگەن، ال وعان ارنالعان قاراجات زاڭسىز شىعارىلىپ، ۇرلانعان.

مەملەكەتكە كەلتىرىلگەن زالال 320 ملن تەڭگەدەن استى»، - دەلىنگەن باسپا ءسوز حابارلاماسىندا.

ءمالىم ەتىلگەندەي، قازىرگى ۋاقىتتا ب. بايسەيىتوۆ قازاقستاننان تىس جەردە.

«ونىڭ زاڭسىز ارەكەتتەرى ق ر قىلمىستىق كودەكسىنىڭ 189-بابى 4-بولىگىنىڭ 2-تارماعى بويىنشا سارالانىپ وتىر، وعان ىزدەۋ جاريالاندى. اتالعان تۇلعانىڭ وزگە دە قىلمىستارعا قاتىسى بار-جوعى تەكسەرىلۋدە. ونىڭ ىقتيمال ورنالاسقان جەرى تۋرالى اقپاراتى بار ازاماتتاردان اگەنتتىكتىڭ كورسەتىلگەن تەلەفوندارى بويىنشا حابارلاۋدى سۇرايمىز: Call-ورتالىق 1424، +7 (7172) 909 260. اقپارات بەرگەنى ءۇشىن سىياقى قاراستىرىلعان. قۇپيالىلىققا كەپىلدىك بەرىلەدى!»، - دەدى اگەنتتىكتەن.

ەسكە سالايىق، سىبايلاس جەمقورلىققا قارسى قىزمەت قايرات ساتىبالدىۇلىنا جانە باسقا دا تۇلعالارعا قاتىستى «قازاقتەلەكوم» اق مەن «كولىكتىك سەرۆيس ورتالىعى» اق قاراجاتىن اسا ءىرى كولەمدە ۇرلاۋ فاكتىلەرى بويىنشا سوتقا دەيىنگى تەرگەۋدى اياقتادى.