بارلىعى 786 ناۋقاس ەم قابىلداپ جاتىر
وتكەن ءبىر تاۋلىكتە كوروناۆيرۋس ينفەكسياسىنا – 94، كوروناۆيرۋس بەلگىلەرى بار پنيەۆمونياعا 13 ادام شالدىقتى. بۇل تۋرالى ق ر دەنساۋلىق ساقتاۋ مينيسترلىگىنەن ءمالىم ەتتى، دەپ حابارلايدى Almaty-akshamy.kz.
قازىرگى ۋاقىتتا كوروناۆيرۋستان – 615 (كۆي+)، كوروناۆيرۋس پنيەۆمونياسىنان – 171 (كۆي)، بارلىعى 786 ناۋقاس ەم قابىلداپ جاتىر. ولاردىڭ ىشىندە 112 پاسيەنت ستاسيوناردا، 674 ناۋقاس امبۋلاتوريالىق دەڭگەيدە ەم الۋدا.
كۆي+، كۆي- شالدىققانداردىڭ اراسىندا:
- 7 ادامنىڭ جاعدايى اۋىر،
- 2 پاسيەنتتىڭ جاعدايى وتە اۋىر،
- 2 ناۋقاس وكپەنى جاساندى جەلدەتۋ اپپاراتىنا قوسىلعان.
ايتا كەتەيىك، مۇنىڭ الدىنداعى ءبىر تاۋلىكتە كوروناۆيرۋس - 83، كوروناۆيرۋس پنيەۆمونياسى 6 ادامنان انىقتالعان بولاتىن.