ۋاقىتشا ۇستاۋ يزولياتورىنا قامالدى.
قايرات ساتىبالدىۇلىمەن بىرگە ونىڭ بۇرىنعى جۇبايى دا كۇدىككە ءىلىندى، دەپ حابارلايدى Almaty-akshamy.kz.
سىبايلاس جەمقورلىققا قارسى قىزمەتتىڭ مالىمەتىنشە، اگەنتتىك قايرات ساتىبالدىۇلىنا، ونىڭ بۇرىنعى جۇبايى گۇلميرا ساتىبالدىعا جانە باسقا دا تۇلعالارعا قاتىستى بيزنەستى رەيدەرلىك باسىپ الۋ فاكتىسى بويىنشا سوتقا دەيىنگى تەرگەۋدى باستادى.
16 ناۋرىزدا گ.ساتىبالدى ق ر قپك 128-بابى بويىنشا ۇستالىپ، نۇر-سۇلتان قالاسىنىڭ ۋاقىتشا ۇستاۋ يزولياتورىنا قامالدى.
«ق ر قپك-نىڭ 201-بابىنا سايكەس وزگە اقپارات تەرگەۋ مۇددەسىندە جاريا ەتۋگە جاتپايدى»، - دەلىنگەن سىبايلاس جەمقورلىققا قارسى قىزمەت مالىمەتىندە.
ەسكە سالا كەتەيىك، سىبايلاس جەمقورلىققا قارسى قىزمەت لاۋازىمدىق وكىلەتتىگىن اسىرا پايدالانۋ جانە «قازاقتەلەكوم» اق قاراجاتىن اسا ءىرى كولەمدە ۇرلاۋ فاكتىلەرى بويىنشا قىلمىستىق ءىستى تەرگەپ جاتىر.
اتالعان قىلمىستاردى جاسادى دەگەن كۇدىكپەن قايرات ساتىبالدى ۇلى ۇستالىپ، ەكى ايعا قامالدى.