ايىپتالۋشى سوتقا ونلاين رەجيمدە قاتىسىپ وتىر.
استانادا قايرات ساتىبالدىنىڭ ءىسى بويىنشا كەزەكتى سوت وتىرىسى باستالدى، دەپ حابارلايدى Almaty-akshamy.kz Almaty.tv سىلتەمە جاساپ.
ايىپتالۋشى سوتقا ونلاين رەجيمدە قاتىسىپ وتىر. ساتىبالدى قىلمىستىق كودەكستىڭ 195-بابى (الداۋ نەمەسە سەنiءمدى تەرىس پايدالانۋ جولىمەن ءمۇلiكتiك زالال كەلتiرۋ) جانە 189-بابى ( سەنiپ تاپسىرىلعان بوتەن ءمۇلiكتi يەمدەنiپ الۋ نەمەسە تالان-تاراجعا سالۋ) بويىنشا ايىپتالۋدا.
وتىرىستىڭ باسىندا ايىپتالۋشى ساتىبالدى بەينەبايلانىس ارقىلى تۋعان-تۋىستارىمەن سويلەستى. كامەراعا تۇسپەۋگە دە كەڭەس بەردى.
«سەندەردە كامەرادا وتىرۋدىڭ قاجەتى جوق. بىلاي قويىپ، قىرىنان ءبارىن قاراپ وتىرساڭدار بولادى»، - دەدى ول.
وسىدان كەيىن ءبىر ءتىلشى: "ءسىز قارىزدىڭ ءبىر بولىگىن قايتاردىڭىز عوي. ءقازىر نە ءۇشىن ايىپتاپ جاتىر؟"، - دەپ سۇرادى.
ايىپتالۋشى سوت اياقتالمايىنشا تۇسىنىكتەمە بەرە المايتىنىن جەتكىزدى.
«ءالى سوت بىتكەن جوق. كەشىرىڭىز، مەن ءقازىر ەشتەڭە ايتا المايمىن»، - دەپ اتاپ كورسەتتى ايىپتالۋشى.
ايتا كەتەرى، بيىل 13 ناۋرىزدا سىبايلاس جەمقورلىققا قارسى قىزمەت قايرات ساتىبالدىنىڭ ۇستالعانىن حابارلادى.
ول "قازاقتەلەكوم" اق-نىڭ قاراجاتىن اسا ءىرى كولەمدە جىمقىردى دەگەن كۇدىككە ىلىنگەن. سونداي-اق مەملەكەت قاۋىپسىزدىگىنە نۇقسان كەلتىرەتىن باسقا دا قىلمىستارعا قاتىسى بار-جوعى تەكسەرىلىپ جاتقانى ايتىلعان ەدى.
24 تامىزدا سىبايلاس جەمقورلىققا قارسى قىزمەت قايرات ساتىبالدىۇلىنا جانە باسقا دا تۇلعالارعا قاتىستى "قازاقتەلەكوم" اق جانە "كولىك سەرۆيسى ورتالىعى" اق-نىڭ قارجىسىن ءىرى كولەمدە جىمقىرۋ فاكتىلەرى بويىنشا سوتقا دەيىنگى تەرگەۋدى اياقتادى. قايرات ساتىبالدى – تۇڭعىش پرەزيدەنت نۇرسۇلتان نازاربايەۆتىڭ نەمەرە ءىنىسى.
قايرات ساتىبالدىنىڭ بۇرىنعى ايەلى گۇلميرا ساتىبالدى دا قاماۋعا الىندى. ول ۋنيۆەرسيادا-2017 نىساندارىن جوندەۋگە بولىنگەن اقشانى ۇرلادى دەپ ايىپتالىپ جاتىر.
تەرگەۋ كەزىندە ايىپتالۋشىلاردىڭ 240 ميلليارد تەڭگەدەن (500 ميلليون دوللار) استام زاڭسىز اكتيۆتەرى مەن قارجىسى مەملەكەتكە قايتارىلعان بولاتىن.