بۇل - وقۋ-اعارتۋ ءمينيسترى اسحات ايماعامبەتوۆتىڭ ءسوزى.
ەلەكتروندى پورتفوليو ەنگىزىلگەن كەزدە، مۇعالىمدەر قاعاز جۇزىندە قۇجات تاپسىرۋدان تولىق قۇتىلادى، دەپ حابارلايدى Almaty-akshamy.kz
جىل سوڭىنا دەيىن پەداگوگتىڭ ەلەكتروندى پورتفوليوسى اقپاراتتىق ءمودۋلىن ىسكە قوسۋ جوسپارلانىپ وتىر.
بۇل جۇيە – وتە قاجەتتى جۇيە. جىل اياعىنا دەيىن تولىعىمەن اياقتاۋىمىز كەرەك. ءبىراق ىشىندەگى بارلىق تەتىكتەرى دايىن بولعانىن كۇتىپ وتىرمايمىز، بىرتىندەپ ىسكە قوسا بەرەمىز. بۇل جۇيە مەكتەپتە ىستەيتىن پەداگوگتەرگە عانا ەمەس، كوللەدج مۇعالىمدەرىنە، بالاباقشاداعى ارىپتەستەرىمىزدىڭ بارىنە تيەسىلى ءارى قاجەت جۇيە بولادى. پەداگوگ استتەستاسياسى دا تولىعىمەن ەلەكتروندىق جۇيە ارقىلى وتەدى. ءار پەداگوگتىڭ جەكە پورتفوليوسى، ءبىلىمى، ساناتى، تاجىريبەسى، جەتىستىكتەرى، ديپلومى، بىلىكتىلىك كۋرستارى تۋرالى سەرتيفيكاتتارى، ءبارى وسى جۇيەدە بولادى، – دەدى اسحات ايماعامبەتوۆ.
ونىڭ ايتۋىنشا، ەلەكتروندىق پورتفوليو تولىق ىسكە قوسىلعاندا، مۇعالىمدەر قاعاز جۇزىندە قۇجات تاپسىرۋدان تولىق قۇتىلادى.
اتتەستاسيا بولسىن، كونكۋرس بولسىن، ديرەكتورلىق لاۋازىمعا قۇجات ءوتىزۋ قاجەت بولسىن، كۋرسقا جازىلسا دا، ءتۇرلى سايىستارعا قاتىسسا دا ەلەكتروندىق پورتفوليوسى بويىنشا ءبىر كنوپكانى عانا باسىپ، قاجەتتى اقپاراتتى تىكەلەي جىبەرە سالۋعا مۇمكىندىك الادى، – دەدى ۆەدومستۆو باسشىسى.
سونىمەن بىرگە ول اتالعان قۇرال ارقىلى مۇعالىمدەردىڭ شاعىمدانۋ پروسەسىن دە جەڭىلدەتۋ كوزدەلگەنىن اتاپ ءوتتى.
«بۇعان تاعى ءبىر قوسىمشا ەنگىزىپ جاتىرمىز. قاعازباستىلىق بولسا، پەداگوگتىڭ قۇقىقتارى بۇزىلسا، ارنايى فۋكنسيا ارقىلى ەلەكتروندى پورتفليوعا كىرىپ-اق تىكەلەي شاعىم تۇسىرۋگە مۇمكىندىك بەرەمىز. ەشقايدا بارىپ جاتپاي، باسقا قوسىمشا سەرۆسيتەرگە، اقپاراتتىق جۇيەلەرگە سۇيەنبەي، وسى جەردەن-اق، مىسالى ءبىزدىڭ №130 بۇيرىقتا قاراستىرىلماعان ەسەپتەر بولسا، وزىنە ءتان ەمەس جۇمىسقا ماجبۇرلەسە، باسقا دا جاعدايلاردا ءمۇعالىم ءوزىنىڭ جەكە ەلەكتروندىق پورتفوليوسىنان ءتيىستى اقپاراتتى تىكەلەي جىبەرە الادى. ول اقپارات بىردەن ءبىزدىڭ جەرگىلىكتى دەپارتامەنتتەرگە تۇسەدى. ولار اتالعان اقپاراتپەن دەرەۋ جۇمىس ىستەۋگە مىندەتتى بولادى. كورپوراتيۆتىك پوشتاسى دا بولادى. جاڭالىقتار دا، ساۋالنامالار دا، مۇعالىمگە كەرەك بارلىق نورمالار، اقپاراتتار وسى جەرگە ورنالاستىرىلىپ، ءبىزدىڭ ارىپتەستەرىمىزگە ىڭعايلى بولادى دەپ ەسەپتەيمىن»، - دەدى مينيستر.
بۇعان قوسا مينيسترلىككە قاراستى اقپاراتتىق-تالداۋ ورتالىعىنىڭ باسقارما ءتوراعاسى ماعجان امانعازىنىڭ ايتۋىنشا، پورتفوليودا پەداگوگتىڭ وزىنە تيەسىلى ايلىعىن ەسەپتەيتىن قوسىمشا دا ورناتىلماق.
«ءمۇعالىمنىڭ جالاقىسىن ەسەپتەۋگە ارنالعان كالكۋلياتور، بىلىكتىلىكتى ارتتىرۋ كۋرسىنا قاجەتتى قۇجات تاپسىرۋ، ۇلتتىق بىلىكتىلىك تەستىنە قاتىسۋعا ءوتىنىم بەرۋ سياقتى كوپتەگەن قىزمەتتەردى قاراستىرامىز. ءبارى بىردەن ەمەس، رەت-رەتىمەن ەنگىزىلەدى»، – دەدى ورتالىق باسشىسى.
ەسكە سالا كەتسەك، بۇعان دەيىن ايماعامبەتوۆ ۆەدومستۆونىڭ اپپارات جينالىسىندا مەكتەپ اسحانالارىنداعى تاماق پەن سۋسىن باعاسىنىڭ ءالى دە ارزانداماي تۇرعانىن سىنعا العان بولاتىن.