كورسەتىلگەن سوما جاقىن ارادا قازاقستان بيۋدجەتىنە تۇسەدى.
قازاقستاننىڭ قۇقىق قورعاۋ ورگاندارى قايرات ساتىبالدىۇلىنا قاتىستى قىلمىستىق ءىس بويىنشا قۇنى 230 ميلليون دوللاردان اساتىن اسىل تاستار مەن زەرگەرلىك بۇيىمداردى ەلگە قايتاردى، دەپ حابارلايدى Almaty-akshamy.kz.
«قازاقستان رەسپۋبليكاسىنىڭ سىبايلاس جەمقورلىققا قارسى ءىس-قيمىل اگەنتتىگى قايرات ساتىبالدى ۇلى مەن باسقا دا ادامدارعا قاتىستى قىلمىستىق جولمەن الىنعان اقشانى جانە وزگە دە مۇلىكتى زاڭداستىرۋ (جىلىستاتۋ) فاكتىلەرى بويىنشا سوتقا دەيىنگى تەرگەپ-تەكسەرۋدى جالعاستىرۋدا. جەدەل-ىزدەستىرۋ ءىس-شارالارىنىڭ ناتيجەسىندە الىس شەت ەلدەردە فيگۋرانتتارعا تيەسىلى، قۇنى 230 ميلليون اقش دوللارىنان اساتىن، مەملەكەت كىرىسىنە اينالدىرىلعان ەكسكليۋزيۆتى اسىل تاستار مەن زەرگەرلىك بۇيىمدار ورناتىلىپ، ەلگە قايتارىلدى»، - دەلىنگەن اگەنتتىكتىڭ سارسەنبى كۇنگى حابارلاماسىندا.
مامانداردىڭ ايتۋىنشا، قايرات ساتىبالدى ۇلىنىڭ شەتەلدىك باعالى قاعازدارعا 300 ميلليون اقش دوللارىن سالۋ فاكتىسى انىقتالدى. كورسەتىلگەن سوما جاقىن ارادا قازاقستان بيۋدجەتىنە تۇسەدى.