دەپۋتاتتار اسكەردە بولاتىن وسىنداي جۇگەنسىزدىكتى زاڭمەن رەتتەۋ كەرەكتىگىن كوتەردى.
ونداعى ءار وقيعا ءجىتى زەرتتەلىپ، بولاشاقتا مۇنداي ولقىلىقتار ورىن المايتىنداي جاعداي جاسالۋى ءتيىس. بۇل جايىندا پارلامەنت سەناتىنىڭ حالىقارالىق قاتىناستار، قارۋلى كۇشتەر مەن قاۋىپسىزدىك كوميتەتىنىڭ وتىرىسىندا ايتىلدى، دەپ حابارلايدى Almaty-akshamy.kz.
كوميتەت ءتوراعاسى مۇحتار قۇل-مۇحاممەد سوڭعى كەزدەرى اسكەردە بەلگىسىز جاعدايدا قازا بولعان ساربازداردىڭ قاتارى ازايماي تۇرعانىن ايتتى.
سوندىقتان ءبىز بۇل جاعدايلاردىڭ قايتالانباۋى ءۇشىن زاڭدىق تۇرعىدا قۇجاتتار قابىلداۋىمىز ءتيىس دەيدى. دەپۋتاتتار ءقازىر اسكەردە كەلىسىم شارت بويىنشا بورىشىن وتەپ جۇرگەندەردىڭ ۇلەسى 70 پايىز ەكەنىن العا تارتىپ، ولاردىڭ الەۋمەتتىك جاعدايىن جاقسارتۋ جاعىن قاراستىرۋدى ۇسىندى. سونداي-اق اسكەريلەردىڭ بىلىكتىلىگىن ارتتىرۋ ءىسى دە ماڭىزدى.