كاسىپكەر قايرات ساتىبالدى كىناسىن تولىعىمەن مويىندادى.
استاناداعى قىلمىستىق ىستەر جونىندەگى اۋدانارالىق سوتىندا ول، ايىپتاۋ اكتىسىندەگى سومالارمەن كەلىسىپ، دالەلدەرگە قارسى شىققان جوق، دەپ حابارلايدى Almaty-akshamy.kz 24.kz-كە سىلتەمە جاساپ.
تەرگەۋ مالىمەتىنە سۇيەنسەك، كاسىپكەر زاڭسىز جولمەن تاپقان اقشاعا شەتەلدەن مۇلىك ساتىپ الىپ، قالعانىن ەسەپشوتىنا سالىپ قويعان. سوت وتىرىسىندا ايىپتالۋشى شىعىندى وتەۋگە كەلىستى.
وسىعان بايلانىستى سۋديا، پروسەستىك كەلىسىم جاساۋ ماسەلەسىن شەشۋ ءۇشىن، وتىرىستى كەيىنگە قالدىردى. ەسكە سالساق، ءقازىر قايرات ساتىبالدى جازاسىن شىعىس قازاقستان وبلىسىنداعى كولونيادا وتەپ جاتىر. بۇعان دەيىن ونىڭ مۇلكى تاركىلەنىپ، 6 جىلعا باس بوستاندىعىنان ايىرىلعان ەدى. سونداي-اق مەملەكەتتىك قىزمەتتە جۇمىس ىستەۋگە تىيىم سالىنعان بولاتىن.