الماتى تورىندە ورنالاسقان قازاقستان رەسپۋبليكاسى مەملەكەتتىك ورتالىق مۋزەيى الماتىلىق جەتكىنشەكتەر ءۇشىن ءتۇرلى تانىمدىق، رۋحاني ءىس-شارالاردى ءجيى وتكىزەدى. سولاردىڭ ءبىرى – «مۋزەيدەگى دەمالىس» باعدارلاماسى.
جۋىردا اتالعان باعدارلاما شەڭبەرىندە «ۇلتتىق اشەكەي بۇيىمدارى» تاقىرىبىندا «شەبەرلىك ساباعى» ءوتتى. بالالار فەترا ماتەريالىنا جىلتىر جاپسىرمالار، مونشاقتار جابىستىرىلعان جانە ءتۇرلى جىپتەرمەن زەردەلەنگەن سىرعالار جاسادى. ولاردىڭ ءوز قولدارىمەن جاساعان قولونەر تۋىندىلارى ەرەكشە ادەمى شىقتى. ويتكەنى «شەبەرلىك ساباعىندا» كىلەڭ ونەردى سۇيەتىن، شىعارماشىلىققا جاقىن، ۇلتتىق قولونەردىڭ باعاسىن كىشكەنتاي جۇرەگىمەن سەزىنەتىن دارىندى ورەندەر وتىردى.
سونداي-اق ساباق بارىسىندا ولارعا قازاق حالقىنىڭ زەرگەرلىك بۇيىمدارى – بىلەزىك، ساقينا، القا، شولپى، شاشباۋ، وڭىرجيەك جايىندا قۇندى اقپاراتتار ايتىلدى. سوناۋ بابالاردان قالعان زەرگەرلىك ونەردىڭ ۇمىتىلماي، بۇگىنگى كۇنگە دەيىن جەتىپ وتىرعانى ۇرپاق ءھام ۇلتتىق قۇندىلىعىمىز ءۇشىن كەرەك.