الماتى ءماسليحاتىنىڭ ەكس-دەپۋتاتى 21 ساۋىرگە دەيىن قاماۋدا بولادى
الماتى ءماسليحاتىنىڭ بۇرىنعى دەپۋتاتى قايرات قۇدايبەرگەندى قاماۋدا ۇستاۋ مەرزىمى تاعى ۇزارتىلدى، دەپ حابارلايدى Almaty-akshamy.kz الماتى سوتىنىڭ باسپا ءسوز قىزمەتىنە سىلتەمە جاساپ.
الماتى ءماسليحاتىنىڭ ەكس-دەپۋتاتى 21 ساۋىرگە دەيىن قاماۋدا بولادى.
"الماتىنىڭ مامانداندىرىلعان اۋدانارالىق تەرگەۋ سوتىنىڭ 2023 جىلعى 16 ناۋرىزداعى قاۋلىسىمەن سوتقا دەيىنگى تەرگەپ-تەكسەرۋ ورگانىنىڭ ءوتىنىشحاتى قاناعاتتاندىرىلىپ، ماتەريالدارمەن تانىسۋ كەزەڭىندە قاماۋدا ۇستاۋ مەرزىمىن ۇزارتۋعا سانكسيا بەرىلدى. قايرات قۇدايبەرگەنگە قاتىستى قىلمىستىق ءىستى ءبىر ايعا، ياعني 2023 جىلعى 21 ساۋىرگە دەيىن"، - دەلىنگەن حابارلامادا.
2022 جىلعى 22 ساۋىردە الماتى ءماسليحاتىنىڭ دەپۋتاتى جاپپاي تارتىپسىزدىكتى ۇيىمداستىردى جانە وعان قاتىستى دەگەن كۇدىكپەن ۇستالعان. قاماۋ مەرزىمى بىرنەشە رەت ۇزارتىلدى. كەيىن قايرات قۇدايبەرگەن Amanat پارتياسىنان شىعارىلىپ، دەپۋتاتتىق مانداتىنان ايىرىلدى.
18 مامىردا قايرات قۇرايبەرگەننىڭ ادۆوكاتى اسەنتاي اقايەۆ سىبايلاس جەمقورلىققا قارسى قىزمەت ۆەدومستۆوارالىق تەرگەۋ توبىنىڭ قىزمەتكەرىنە قاتىستى قىلمىستىق ءىس قوزعاعانىن حابارلادى. قايرات قۇدايبەرگەننىڭ ايتۋىنشا، ول تەرگەۋ يزولياتورىنىڭ كامەراسىندا ار-نامىسى مەن قادىر-قاسيەتىن قورلاپ، قىسىم كورسەتكەن.
22 شىلدەدە قايرات قۇدايبەرگەن COVID-19 جۇقتىرعان. ادۆوكات بۇلتارتپاۋ شاراسىن وزگەرتۋ تۋرالى ءوتىنىش بەرگەنىمەن، ول قاناعاتتاندىرىلمادى.