قاماۋ مەرزىمى 2022 جىلدىڭ 21 تامىزىنا دەيىن ۇزارتىلدى.
الماتى قالالىق ءماسليحاتىنىڭ بۇرىنعى دەپۋتاتى قايرات قۇدايبەرگەندى قاماۋ مەرزىمى تاعى ءبىر ايعا ۇزارتىلدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
بۇل تۋرالى الماتى قالالىق سوتىنىڭ باسپا ءسوز قىزمەتى ءمالىم ەتتى.
«21 شىلدە كۇنى الماتى قالالىق تەرگەۋ سوتىنىڭ قاۋلىسىمەن كۇدىكتىنى قاماۋدا ۇستاۋ مەرزىمى 4 ايعا دەيىن ۇزارتىلدى. قاماۋ مەرزىمى 2022 جىلدىڭ 21 تامىزىنا دەيىن ۇزارتىلدى»،- دەپ حابارلادى الماتى سوتىنىڭ باسپا ءسوز قىزمەتى.
بۇعان دەيىن كۇدىكتىنى قاماۋ مەرزىمى ءبىر ايعا ۇزارتىلعان بولاتىن.
ايتا كەتەيىك، 24 ءساۋىر كۇنى سوت قاۋلىسىمەن تەرگەۋ ورگاندارىنىڭ ءوتىنىشى قاناعاتتاندىرىلىپ، قايرات قۇدايبەرگەنگە قاتىستى ارەكەتتى سارالاۋ تۋرالى قاۋلى شىعارىلعانعا دەيىن ونى 30 تاۋلىك مەرزىمگە كۇزەتپەن ۇستاۋ تۇرىندەگى بۇلتارتپاۋ شاراسىنا سانكسيا بەرىلگەن بولاتىن.
ەسكە سالايىق، قايرات قۇدايبەرگەننىڭ ۇستالعانى تۋرالى اقپارات 22 ساۋىردە پايدا بولعان ەدى.
كەيىن ق ر باس پروكۋراتۋراسى الماتى قالاسى ءماسليحاتىنىڭ دەپۋتاتى قايرات قۇدايبەرگەن قاڭتار وقيعاسىنىڭ ءىسى بويىنشا ۇستالعانىن راستادى.
قايرات قۇدايبەرگەن ديكيي ارمانمەن بىرگە ادام جيناۋدى ۇيىمداستىرعان.