«قايرات» پرەمەر-ليگاداعى العاشقى جەڭىسىنە قول جەتكىزدى

«قايرات» قارسىلاسىن 3:1 ەسەبىمەن تىزە بۇكتىردى

فۋتبولدان پرەمەر-ليگا كوماندالارى اراسىنداعى ەل بىرىنشىلىگىنىڭ 2-تۋرىندا «اقتوبە» كەزەكتى جەڭىسىنە قول جەتكىزدى، دەپ حابارلايدى Almaty-akshamy.kz قازاقپاراتقا سىلتەمە جاساپ.

العاشقى ويىن كۇنىن «اقسۋ» (پاۆلودار وبلىسى) مەن «قايرات» (الماتى) كوماندالارى تۇيىندەدى.

پاۆلودار قالاسىندا وتكەن ويىندا الماتىلىق كلۋب ساپىنان ارتۋر شۋشەناچيەۆ 39، جواو پاولو 75، ەركەبۇلان سەيداحمەت 88-مينۋتتا مەرگەندىك تانىتتى.

وعان «اقسۋ» ويىنشىسى ميراس تولەبەك 81-مينۋتتا ءبىر گولمەن جاۋاپ قايىردى.

وسىلايشا «قايرات» قارسىلاسىن 3:1 ەسەبىمەن تىزە بۇكتىرىپ، بىرىنشىلىكتەگى العاشقى جەڭىسىنە قول جەتكىزدى.

قازىرگە دەيىن سىرت الاڭدا ەلوردالىق «استانا» تالدىقورعاننىڭ «جەتىسۋىن» 2:0، شىمكەنتتىك «ورداباسى» قاراعاندىلىق «شاحتەردى» 4:1 ەسەبىمەن ءسۇرىندىردى.

ال «اقتوبە» ءوز الاڭىندا «وقجەتپەستەن» 5:1 ەسەبىمەن باسىم ءتۇستى.

ەرتەڭ، 10 ناۋرىزدا «كاسپيي» (اقتاۋ) مەن «توبىل» (كوستاناي)، «اتىراۋ» مەن «قايسار» (قىزىلوردا)، «قىزىلجار» (پەتروپاۆل) مەن «ماقتارال» (تۇركىستان وبلىسى) كوماندالارى كەزدەسەدى.