سوت شەشىمىمەن ول 15 تاۋلىككە تەمىر تورعا توعىتىلدى.
بۇگىن، 2024 جىلدىڭ 5 شىلدەسىندە الەۋمەتتىك جەلىلەردە بەلگىلى قازاقستاندىق ءانشى قايرات نۇرتاستىڭ ۇستالعانى تۋرالى اقپارات پايدا بولدى. وقيعا بويىنشا 5 شىلدە دە 12:00-دە ونلاين فورماتتا سوت وتىرىسى ءوتتى.
تانىمال ءانشى ەكى باپ بويىنشا ايىپتالعان بولاتىن:
- ق ر اكىمشىلىك كودەكسىنىڭ 73 باپبىنىڭ 1 تاراۋ 1 بولىگى بويىنشا، قاساقانا جەڭىل دەنە جاراقاتىن كەلتىرگەنى ءۇشىن؛
- ق ر اكىمشىلىك كودەكسىنىڭ 434 باپ 2 بولىگى بويىنشا، ۇشاق بورتىندا ۇساق بۇزاقىلىق جاساعانى ءۇشىن.
قوزعالعان ءبىرىنشى حاتتاما بويىنشا ەكى تاراپ بىتىمگەرشىلىككە كەلگەن.
"ەكى جاقتىڭ تاتۋلاسۋىنا بايلانىستى ق ر اكىمشىلىك كودەكسىنىڭ 73 بابىنىڭ 1 تاراۋ 1 بولىگى بويىنشا قوزعالعان ءىس توقتاتىلدى"،- دەدى سۋديا.
تاعىلعان ەكىنشى ايىپ بويىنشا، تانىمال ءانشى سوت شەشىمىمەن 15 تاۋلىككە قاماۋعا الىندى.
قايرات نۇرتاستىڭ ايىپپۇل سالۋمەن شەكتەلۋ تۋرالى وتىنىشىنە، سوت قۇقىق بۇزۋشىلىق اكىمشىلىك جازا قولدانىلعاننان كەيىن ءبىر جىل ىشىندە قايتادان جاسالعاندىقتان، قاماۋعا الۋ تۋرالى شەشىم قابىلدانعانىن ءتۇسىندىردى.
سوتتا انىقتالعانداي، وقيعا 4 شىلدەدە ساعات 20:00 شاماسىندا الماتى – استانا باعىتىنداعى ۇشاق بورتىندا بولعان. قايرات نۇرتاس پەن اسىلبەك بەكقايىروۆ اراسىندا اۋىزشا جانجال تۋىنداپ، ارتى توبەلەسكە ۇلاسقان. ناتيجەسىندە، جابىرلەنۋشى جەڭىل دەنە جاراقاتىن الدى.